Cualchi peraule su lis Contis dal Mês

Ven a stâi che dopo cuasi un an, il nestri Ostîr, sul so sît personâl, al à cjatât il timp di inzornâ la schede libri su Lis Contis dal Mês e viôt tu, propite la zornade prime dal spetacul Il Quiz dai Mês, in sene a Cormons vinars di sere se nol plôf.

Ma anìn par ordin.

Intant ve cha il leam par lâ a lei ce che al à contât dal libri che o viodês ca in bande e che al à dentri une vore, ma une vore di robe. E se us interesse di cjolilu, o cjatais ducj i riferiments ta cheste pagjine.

Par doman di sere, in place libertât a Cormons, invezit, o sin noaltris de Ostarie che us visìn che se il timp al ten o vin un biel copion gnûf, cun modifichis e personaçs impuartants che a vignaran a cjatânus dilunc de serade. Us anticipin che i concorints si daran batae e che come simpri, ae fin dal spetacul, o sarês personis plui inteligjentis e… contentis.

Se il spetacul al ves di jessi anulât, us al disarin chi, su facebook, e sui stâts dai nestris telefonuts. Se invezi si fâs… viodêt di jessi, che al sarà biel!

Si viodìn doman di sere!

Mandi a ducj!

1 comment