Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Lis Contis dal Mês a… Montenars!
O vin polsât un pôc, dopo la scree dal libri des Contis dal Mês, ma a son vignûts bielzà a cirînus e cui sino noaltris par refudâsi? Dome che lu savês… cuant che nus domandin une presentazion dal libri, a noaltris che o sin dai soversîfs nus ven subit iniment di fâ… UN SPETACUL! E alore al va a finîle che… ju fasìn ducj i doi!
E alore… ve ca parsore che lu vês za intivât, il spetacul che o larìn a meti in sene a Montenars, inte suaze superfurlane dal agriturismi Al Tulin, domenie ai 12 di Fevrâr tor lis 6 sot sere. Il libri, lu savês, al è un biel miscliç di narative e sagjistiche, ma par vê pardabon une cerce di ce che al è dentri ce isal di miôr – o vin pensât – di clamâ dongje doi dai plui grancj esperts di culture furlane che no us disvelin e che si butaran dentri intune disfide dulà che lis tradizion furlanis a saran l’argoment.
A presentâ la serade, la ferbinte Fogolina Sereni e in cualitât di espert in Zurie, pront a disvelâ lis domandis che i nestris concorints a falaran, il glemonat Londar Micheli, che lis sa propite dutis.
IL QUIZ DAI MÊS us spiete! No podês mancjâ! E se o vês voie o podês fermâsi ancje a cene!
Ve chi sot la locandine de presentazion dal libri cui detais tecnics dal puest.
1 comment
Lasse une rispueste
Dutis lis contis
Serena e Raffaele no a àn fat sôl un libri, ma une documentazion storiche evangjieliche su lis costumancis dal nestri Friûl, sul timp di îr, di vuê, e sperin ancje di doman, cui che al vûl cognossi par ben il nestri passât sui sudôrs de vite, su le gjonde il dolôr, chest libri lu consei guide evangjieliche e che nol mancj mai te librerie di un bon Furlan. Lussian