In Viaç tal Cryptofriûl a… Viscon

Si visaiso de croniche che o vin fat dal event di Cjopris, dulà che e je lade in onde (al è propit il câs di dî cussì) la prime pontade dal In Viaç tal Criptofriûl, la trasmission che o vin inmaneât cun tancj ospits e che nus puarte intai lûcs dal libri dal Ostîr.

Insome… a chei di Cjopris i devi jessi plasude cetant, chê serade, che nus àn domandât di meti adun la seconde pontade de trasmission e noaltris… le vin!

E alore, joibe ai 25 di Avost, a Viscon, o podês vignî a viodi sore nuie une altre puntade di In Viaç tal Cryptofriûl, sedi par cui che al à let il libri, sedi soredut par cui che no lu à let, che al podarà pardabon fâsi cjapâ dentri de maravee…

No us disvelìn nuie de serade, si no che o cjaparìn in caric une altre storie dal libri, che no sarà la prime, chê de Motoruede, che aromai di jê o savês dut.

Se o vês voie di vignî, noaltris o vin une vore di gust, ma se no podês vignî o podês simpri sparniçâ chest event. Ve chi, la locandine dal event in pdf  di podê scjamâ, stant che sore o vês chê in formât imagjin. E achì o cjatais l’event Facebook, par invidâ i vuestris amîs.

Insome… anìn a Viscon, cjapìn in man la Cryptovalîs e vie… in Viaç tal Cryptofriûl!

1 comments On In Viaç tal Cryptofriûl a… Viscon

  • Lis contis no son contis, ma veretâts sucedudes intal nestri biel Friûl,metint in viste cun merit i lôr autôrs su lis bielecis de nestre amade tiere da mont fin al mâr. Dute di sintî o lei il libri. Lussian

Leave a reply:

Your email address will not be published.

This site uses Akismet to reduce spam. Learn how your comment data is processed.

Pît di pagjine dal sît