Contecurte inte Panarie di Vierte

E rive la Vierte e e je ore di vierzi la Panarie!

Ma ce vêso capît? Butait vie chei fruçons! La Panarie tal sens de riviste! Sì, parcè che al è pene jessût il gnûf numar e al è plen, ma propite plen, di articui interessants, che a fevelin dai argomencj plui disparâts.

E ae fin, come simpri, ancje la nestre Ostarie e à il so cjantonut sot di un biel floc zâl e blu par sostignî il paîs ucrain e cu la solite introduzion dal Ostîr, che al va a pescjâ contis gnovis (come chês rivadis inte Corse Curte) a contis mancul gnovis, discomparidis tes bosemis de memorie, ma che a meretin di tornâ fûr e sei letis. Insome.., se us vanze un franc, vait a cjoile, se no altri par viodi il dissen dal nestri Aiutant di Contecurte, saltât fûr des Contis dal Mês dal 2020.

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di pagjine dal sît