Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
La Conte dal Mês di Otubar
E je ore di Conte dal Mês!
E l’ Ostîr il so lu à fat, e chest mês al à domandât parfin jutori a cualchidun dai siei colaboradôrs e al à tirade fûr une altre sorprese.
La conte, si podeve ben induvinâle, e fevele dal mont dai plui e il titul, chel o podin disvelâlu, al è… Piere.
Us rivarà, come par solit, il 16, tor sere, e se ancjemò no sês iscrits ae liste di Contecurte, niçâisi. Al baste, come simpri, sometiil non e la direzion di pueste (la mail, insome) tal spazi achì sul sît e visâsi di rispuindi ae mail che us rive.
E se o cognossês cualchidun che al à gust di lei par furlan, iscriveitlu a tradiment cu la sô mail, che un regâl in plui al è simpri biel ricevilu.
Chest mês no fasarin nissune Lotarie, ma o vin tal cjâf altris regâi par i nestris iscrits ae Liste e us disìn ancje che la Ostarie, in chescj dîs, e je vivarose e a rivaran gnovis contis e cuissà, magari gnûfs Contecurtârs (da rest, se chês altris a sierin, par il gnûf decret, noaltris o sin simpri vierts!)
A proposit di Lotarie. Il mês passât no son saltâts fûr dutis lis striis e ducj i Benandants che a coventavin e a son vanzâts doi premis. Si che duncje, o vin decidût a la unanimitât (L’Ostîr cun dutis lis sôs personalitâts) di lassâ i doi regâi ai doi Piçui Aiutants di Contecurte, che s’ai son meretâts. Clare… ju vin obleâts ancje a sodisfâ lis esigjencjis dal nestri sponsor di maiutis e mascarutis e lôr no sin son tirâts indaûr. Cjalait ca ce atôrs!
Ma sierìn, come simpri, cul incipit de Conte dal Mês, par stiçâus un pôc.
Anzit… L’Ostîr us disvele – a cui che al à buine orele – la sorprese di chest mês. L’incipît, invezit di leilu… us al fâs scoltâ!
3 comments
Lasse une rispueste
Dutis lis contis
Ben, cuntun incipit cussì, la conte dal Mês a fâs propite gole!
Al mancje pôc… Tremait 😅
O ài sintût le anteprime de conte dal mês di otubar par mieç de vôs dal nestri ustîr, plui che bielonone ! pal fat che si poie su le realtât dal nestri popul , i Sants , i muarts, la mude de stagjion, e nò chês luianiis mericanis cun tendencis di soremarcjât. Biele le foto dai frutins, dongje le lôr volontât di meti jutori a un cjanton di furlanitât indulà ch’ al cîr di tignî in vite le storie dai nestris puars vons. O vuei zonta che dutis chestes contis mensîls e ripuartin fats di realtât sul mûd di vivi dai nestris vielis, no son contis e je storie. Lussian.