La Lotarie di Contecurte!

Chest al è un dai dissens che chei che a àn ricevût e scjamât la Conte dal Mês a cognossin bielzà.

E je vere… là e jere une tombule e cumò us fevelin di une lotarie, ma la veretât e je che noaltris di Contecurte o vin pensade une altre!

Si che duncje, spieghìn.

Al jere un test, sul cognossi lis peraulis furlanis un tic raris, insom de ultime conte dal mês. Lis peraulis a son 150. Parcè?

Parcè che 150 a son i nestris iscrits ae liste di Contecurte che a àn ricevût la conte, e noaltris o vin pensât di meti adun adiriture une LOTARIE! La lotarie di Contecurte! No vês di fâ nuie.

Al è un regâl in plui che o fasarin a 5 di lôr sielzûts framieç dai nestris 150 iscrits ae Liste. Disin joibe di sere, ma magari us comunicarìn cun plui precision la robe, a fasarin la estrazion, insieme ai nestris aiutants. A chei de liste, intant, e sarà rivade une mail che i comunicarà il numar de lotarie, che al corispuint a la peraule de liste.

E no stêt dîmi che no sês curiôs, voaltris de liste, di scuvierzi ce peraule che us è capitade! Se o vessis di vinci un dai cinc premis in palio, nuie pôre, nol covente vê FB, ma us scrivarìn une mail e cui che al vinç nol à di fâ altri che dânus la direzion di pueste par spedî il premi e soredut dînus, par verifiche, cuale che e je la sô peraule.

Figo, vere? Sperìn di sì. Nus vanze di dî ce che si vinç. Si vinç nuiemancul che une copie di Peravali’, la antologjie che o vin pene presentât chi su la osterie.

Insome… se no vês inmò scjamât la Conte dal Mês di Avost, vait daurman te casele di pueste des Promozioni e scjamaile, che a podarès coventâus!

Mandi a ducj… e pronts pe Lotarie!

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît