ScolteCurte!

O vin pôc altri di zontâ. Al è dut scrit chi parsore, te infografiche de nestre Sartore, metude adun cu lis ideis di chel mat dal Ostîr, cui sugjeriments de Coghe. Al è saltât fûr chest ScolteCurte, che par cumò o vevin pandût dome ai iscrits ae nestre Liste di Contecurte, ma che cun chest articul al devent uficiâl. L’Ostîr za di cualchi dî, al ten sot man un pac di contis, e se lu clamais al numar 328 066 5261 e cuant che us dîs “Pronto” i rispuindês “ScolteCurte!” lui us contarà une storie al telefono. Une sorte di juke-box ispirât a Rodari, insome, par fâ passâ un pôc il timp a cui che al è masse stuf di stâ sierât in cjase.

E za che o sin, us visin che al è in vore il CovidCurte Day 20, la gare di contis che e je in spiete la vuestre conte… O viodin che la creativitât e pâr jessi sparide, ma forsit in nestris fidâts Contecurtârs a son dome in vore a pensâ une biele storie di mandânus. Al è timp fin a Pasche, dai, no je premure. Intant fasêt zirâ la vôs, plaseit e condivideit l’event!

6 coments On ScolteCurte!

  • Figade!

  • Ce volino vê di plui, sintî une conte cence fâ le fature di dopra i voi pe leture, di plui biel di cussì, mi soven cuant che di frut gno none mi contave alc prin di durmî, o intes stalis i nonos si davin da fa a conta lis lôr aventuris di guere. O vuei premeti une robe serie, chestis contis e son un grum leadis a lis tradizions dal nestri Friûl , cussi profitait par no lassalis cola inte dismentie, e ricuarda in lôr le vite dai nestris vons. Lussian

  • O sin fortunâts a vê un ostîr che al cjate fûr simpri alc di gnûf. Brâf!

  • Jo o disarès co vin un Ostîr simpri in gjambe e atîf a stiçâ il fûc par che la flame no si studi.

  • Mi dismenteavi, chei che a vivin tal forest cemût varessino di fâ par podê scoltâ la conte?

    • Bon da un voli al fuso orario, e casomai dopre whats up o telegram pe clamade. Il numar al è propite il gno e tu puedis metilu in rubriche 🙂

Scrîf un coment

This site uses Akismet to reduce spam. Learn how your comment data is processed.

Pît di pagjine dal sît