Vuere di Contis sul Tiliment

aContecurtârs! Nus tocje dîs che ’nt vin cumbinade une des nestris!
O vin declarât vuêre a chei di là dal Tiliment!
Eh sì, ju vin sfidâts e la robe piês e je che chei là a àn acietade la sfide! E cumò?
E nuie
Cumò viodeit di tacâ a scrivi!
Che ai 12 di lui l’Ostîr e chei di Contecurte a àn di lâ a San Vît, in trasfiarte, straviersant il puint dal Tiliment, par meti adun la Vuere di Contis jenfri chei di cà e chei di là de aghe.
No vin tant timp, e viodarin a seconde des contis che a rivin cemût meti adun la vuere.
I timps a son compagns par chei di ca e chei di là dalTiliment e il teme des contis al è chel di un personaç o di un lûc o di un fat sucedût di ca o di là dal flum che al stravierse il Friûl…
Par sclariments mandait pûr une mail, o domandait tai coments.
La vuere di contis e je scomençâde!