Mandi a ducj!
Se o sês rivâts achì o vês bielzà olmade la grandissime novitât!
WWW.CONTECURTE.EU
La vês denant dai voi, ancje se e je dute di meti adun.
Ma îr o vevin il Contecurte Day e o vevin voie di dâ la gnove in direte mondiâl vie ondefurlane.
O vin il gnûf sît de Ostarie!!!
In gracie soredut dal jutori digjitâl di Astrid Virili, che o vin ancjemò di paiâ dal dut ma insome, o vin scomençât 🙂 e in gracie dal solit plasê dal nestre banerist savonês Gian De Steja.
Ce aial di gnûf il gnûf blog? Al è plui biel, tant par scomençâ! Si viodin miôr lis contis e cuntune politiche semplificade di tag e leams o cirarin di rindi plui biel e facil lâ ator pe ostarie. O stin metint adun lis pagjinis, chês che o vedês adalt, e o sin daûr ancje a meti a puest l’organic. Disìn pûr che e scomence une gnove stagjon de Ostarie, sot dal voli di woordpress par furlan, che almancul nus garantis plui possibilitâts e une paronance dai contignûts.
Cualchi istruzion par il gnûf sît alore.
Se o fracais la pagjine “contis” us comparissin ducj i post dulà che si cjate une conte, e in ogni post al è un gnûf boton galatic, ven a stâi chel che al permet di esportâ in pdf la conte, par chel che al voles salvâle o adiriture stampâle.
Se o fracais la pagjine “Lenghe furlane” invezit, a vignaran metûts dongje ducj i post che a a àn a cefâ cu la marilenghe, sedin i stuzighets, sedi lis rubrichis vieris come lis contis misteriosis e ecumene, o come lis robis cui imprescj e struments pai furlan…
Po dopo, se us interesse viodi dutis lis contis che al à scrit un contecurtâr, inte colone a man drete o cjatais la liste di chei che a son passâts pe Ostarie e dut ce che a àn scrit.
Se invezit us interessi Events e leturis o Gnovis, a son lis dôs pagjinis.
Cirî une conte? Se savês l’autôr si stâ un moment, sedi dal elenc, sedi de pagjine dai contecurtârs. Se si visais titul o cualchi peraule, si varès di cjatâle facile cul boton “cîr” adalt a man drete.
Viso voie di lei un gjenar di contis? Ancje chel si cumbine, al è ancje l’elenc par gjenars. E se o savês il periodi, si cumbine ancje chel.
Ce fasarino cumò? O Vin di meti a puest la pagjine dai Contecurtârs, e o vin cualchi conte di publicâ. Lu fasarin planc a planc, lânt a cirî i contecurtârs cussì magari ju sticìn a tornâ a scrivi. E dopo o publicarìn lis contis dal Contecurte Day, sul cuâl, usgnot, o fasarìn un articul.
E se o vês voie di iscrivisi par ricevi la publicazion dai post vie mail, ve li, la caselute dulà meti la vuestre mail.
E dopo domandâit, che almancul o screin il sît e scuvierzìn ce che nol funzione, e se vês sugjeriments, faseitju, che se si pues… sin chi.
Mandi a ducj, e benvignûts!
6 comments On Benvignûts!
Gjenovês assorete! Io son di Savona, è come confondere i pisani con i livornesi! 🙂
Ahahahah, e dove avrei scritto quella cosa 😀 😀
O soi content des novitâts. E volevin pardabon. Mi someave che la Ostarie e fos pronte par meti il colostri e sierâ dal dut. Par fale plui vivarose mi somee, come che tu vevis prometût, tu podaressis, almencul une volte al mês, scrivi e publicâ une Conte ancje tu, Raffaele. Lu stess Tam e magari cualchidun de clape di Contecurte e cui che cul cûr i stà plui dongje.
propueste ricevude e acietade! Lu fasarai par tacâ il mês, parcp di no. La conte dal Ostîr i vûl. E viodin di obleâ ancje Checo 🙂
…o vevi un tic di marum ancje jo, o glotevi alc che no jere salive cu la pôre che chêl clostri a si siaràs dal vuê al doman…Preparait un tai ancje par me, fasint fente che al vedi alcul..mi va ben ancje un chinotto … O stoi par mandâ alc al ostîr cuntun mandi une vore bocon par ducj!!!
Jò invessit o vores un podcast par furlan.