Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Ce contìno a San Marc
Mandi a ducj, contecurtârs e prudeladôrs di Contecurte.
Vuê o vin une super gnove che e rivuarde la nestre Ostarie!
Vinars che al ven, ai 22 di Avrîl, inte suaze de fieste dal paîs dute furlane inmaneade a San Marc (chel di Merêt di Tombe, par capîsi) e je stade metude adun une super serade, cun dentri nuiemancul che la nestre Ostarie.
O sin capitâts intune serade maraveose, di no pierdi, dulà che si rît, si gjolt, si scolte musiche e contis, si mangje e si bêf.
Onde furlane e à metût dongje il gotha de int fûr cu la cassele che e zire tor par il Friûl in chescj ultins timps. Si tache cui Cjastrons e la proiezion de lôr FriûlRevolution.
Dopo o sin nôaltris de ostarie, cuntune puntade che e zuie cu la narative curte e nus conte cemût scrivi contis intun Ce Contino a San Marc, cun tant di Ostîr, Berlon, Famei… insome, dute la clape de Ostarie e des contis curtis.
E daûr di nô, a sierâ la serade, dopo il sucès in chel di Milan, nuiemancul che i LaipNessLess, cu lis lôr bestiis Forestis.
Ce volêso di plui?
Une serade di no pierdi, e se propite no podês vignî voaltris, fasêt zirâ la vôs, condivideit chest post, invidait sul event dal muselibri… insome, sparniçait!
Parsore chi la locandine dal event, si tache aes 18.00 cu la screadure de Sale de Comunitât e aes 20.00 cui Cjastrons… Nô o varessin ti tacâ aes vot e mieze e o sin za pronts e in bore!
7 comments
Lasse une rispueste
Dutis lis contis
Us spietin ducj seneôs. Grazie de vuestre partecipazion.
Graziis pai leams metûts tal scrivi. O soi lât dai Cjastrons par viodi. Avonde simpatics ma no an metût i leams ancje lôr. Pecjât che ches fair-play nol sêti di mode.
Grassie a voaltri di San Marc, pluitost, pe biele ocasion di fieste
e a Jaio i dîs che tu as reson, in cierts câs, ma cualchi volte e je dome cuistion di timp, e si scrif lis robis cence vê il timp di meti i leams.
po dopo al è dut un discors daûr… par esempli, nol è un che al vedi fat un invît sul event fb… zero. A metin mi piace e no son in grât di fâ un invît, un mecanisim dut di scuvierzi 😀
Un al è! Jo lu cognos
Un al è! Jo lu cognos
Se jebanna in sene cui laip e vâl mieç, je e scugne 😃😃😃
Il plasè di viodi che le ostarie e scomence a vendi vin in place, e ancjemò tal biel paisut di Sant Marc, mi met un plasè mostro, ancje pal fat che Sant Marc al è un paisut simbol par il manteniment di tradizions furlanis,baste viodi le plazute di don Adriano.Cui miors auguris di buine riuside, Lussian