Une pidade al balon, a Vilevuarbe

E par dîus di une biele iniziative e che i Contecurtârs no stan mai cu lis mans in man, us mostrìn cheste cerce de cuviertine di un libri che al vignarà presentât vinars 9 di Otubar, a 7 sot sere, li de sale des mostris a Vilevuarbe, inte suaze de sagre des masanettis.
Il libri si clame, par talian, Un calcio al pallone, ma al à ancje la version par furlan, e al è stât metût adun cul jutori de Pro-Loco Vilevuarbe, par contâ la storie de gloriose scuadre dai amatôrs di balon dal Vilevuarbe, dilunc dai Agns ’80, dulà che a son nassûts e deventâts fuarts, tal balon dal Friûl di mieç. 
E la version furlane e je stade metude adun dal nestri contecurtâr Nello Malisano, cuntun pocje di supervision ae grafie de bande dal Ostîr. E jessint che Nello le à un tichinin lungje, par vignî a mangjâ lis masanetis a Vilevuarbe di Palermo, al sarà propit l’Ostîr, Raffaele Serafini, a partecipâ ae presentazion.
Si che duncje, se al è un pôc che no mangjâis masanetis, e vinars di sere che e ven o sês in zone, ve chi sot il program de sagre, che no si sa mai che a capitedis a viodi ce che al à di contâus l’ostîr e a scuvierzi alc dal balon amatoriâl di timps che no son plui.
Cun di plui, il ricavât des venditis dal libri, al vignarà dât in beneficienze. 

Scrîf un coment

This site uses Akismet to reduce spam. Learn how your comment data is processed.

Site Footer

%d bloggers like this: