16 di Lui dal 2015

Viva Onde Furlane

Events e Leturis . Gnovis

Fantats!
Sabide cheste, ai 18 di Lui, a Bagnarie, des 9 sot sere in poi, se no vês cefâ, o ancje dome par fâ un scjampon e bevi une bire e lassâ une ufierte, al è propite il câs di vignî ducj a VIVA ONDE FURLANE.
Une vore di musiche e di altris figadis, mangjative e gjolditivis (che no sai ce che o son, ma mi somee une peraule che e sune ben). E dut par une ofiarte libare par permeti a Onde Furlane di tigni bot e lâ indevant. Ve a stâi che pocjis cjacaris, cjatinsi di chês bandis, L’ostîr di Contecurte e ancje il Famei a saran pronts a sacrificâsi e fâsi paiâ une bire di cualsisei contecurtâr!

3 comments

  • Anonimo has written:

    Su Muselibri a son ancje lis indicazions par rivâ. La fiestone si davuelç tal mieç dai cjamps… une volte alì e jere une arie di tîr a svol… mi visi che o jeri stât ancje jo, plui di trente agns indaûr…
    cjatìnsi alore e din une man a la radio!
    Il Famei

  • Mario Sommarti has written:

    O crôt che un grum di nô o vin masse km da fâ par rivâ no dome a Bagnarie ma in Italie. Pecjât, mi varès plasût. Mandi
    Jaio

  • Anonimo has written:

    Checo, prove a mandâ fûr la propueste "Un tai sul WEB" al cost di doi euros l'un. A no si sâ mai che a cualchi torzeon ator pal mont a no i vegni voie di fâ il sacrifici di paiâlu cence bevilu, savint di fâ il ben di Onde Furlane, ch'a fâs sinti lis gnovis de Patrie par dibant. Cence contâ che s'a ti fermin i caramba a no tu coris nissun pericul. Bepi

Lasse une rispueste

La tô direzion di pueste eletroniche no sarà publicade. I cjamps domandâts a son segnâts tant che *

This site uses Akismet to reduce spam. Learn how your comment data is processed.