Il CovidCurte Day al è jentrât te sô fase plui biele, ven a stâi il moment dulà che al tocje al public votâ lis contis!
O vin 12 contis in gare, di dodis autôrs che no si sa cui che a son, e che a son stâts lets di noaltris de Ostarie. O podês lei e scoltâ lis contis sul sît (e us consein di fâ dutis dôs lis robis). A ducj i iscrits ae Liste di Contecurte e je za rivade la mail cu lis indicazions e o vin bielzà vût lis primis rispuestis e votazions. Se no sês iscrits, podês iscrivisi fin tal ultim moment. Us ricuardin che al baste meti in ordin lis contis, di chê che o vês miôr in jù, e rispuindi a la mail cul ordin des contis. E se o vês cualchi dubi, faseitsi spiegâ dut da lis aventuris di Lupo Manarie.
Man a man che a nus rivin lis votazions, noaltris o inzornarin la classifiche, ma cence dîus trope che e je la distance tra lis contis e come simpri, cence disvelâ cui che al è l’autôr (che nol è cui che al à let la conte), ma dome l’ordin provisori e cence il bonus “prin puescj” che al vignarâ dât ae fin.
Si che duncje, vele chi, la classifiche provisorie des contis dopo 33 votazions:
Posizion | Nr | Titul | Autôr | Coronis |
1 |
1 |
Lis metamorfosis |
Astrid Virili |
326 |
2 | 4 | Libars | Margarite Cogôi | 258 |
3 | 12 | ISS | Checo Tam | 251 |
4 | 5 | Dimensionomanimetri | Rafaêl Serafin | 237 |
5 | 11 | A cene cul Signôr | Milio dai cjans | 227 |
6 | 3 | Vir ius (ah, om, la justizie) | Fuguline | 211 |
7 | 2 | Miercus di cinise | Galliano di B.Aires | 203 |
8 | 10 | Prove di amôr | Massim Furlan | 199 |
9 | 8 | Isaac | Franco Vigo | 197 |
10 | 6 | Une bussade a comant | Ivano Urli | 192 |
11 | 7 | L’ordenadôr | Marisa Gregoris | 137 |
12 | 9 | La gote | Laurin Zuan Nardin | 136 |
5 comments On CovidCurte Day 20 – La Disfide
Ostîr ma vino visât che i autôrs des contis no son chei che lis an letis?
Ma stant che si partecipave cuntune sole conte e no cun plui di une, che o vin scrit par dut che lis contis a son anonimis e che in gare a son lis contis e no i autôrs o pensavi che al fos clâr, ma tu âs reson, miôr tornâ a dîlu ancje chi e tal articul. O zonti subite une frase!
Mi pâr plui che avonde! Brâf! Grassie!
Pingback: CovidCurte Day 20 – La Croniche | Contecurte ()
Pingback: Scoltecurte #1: Presons | Contecurte ()