Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
La sbigule
Le vee dai muarts un purcitâr al le Codroip a cjoli i budiei che i coventavin par purcitâ, Ju pojà tal puartepacs, peâts pe miôr. Al tornà indaûr cuasi a scûr cun cualchi taiut tal stomi. Cuant ch’al passà denant il cimiteri al viodè a saltà fûr un fûc svoladi che i vignive incuintri. Cjapât de pôre par vie che a contavin che se tu lu cjalavis ti vignive intor e ti brusave, si metè a cori come un mat. Propit in chel moment i scjavaçà la strade un gjat neri ch’al sgnaulave scaturît, lu stave talpinant un brut cjanat. Di prionte la biciclete si metè a gratâ, deventant simpri plui grivie, par vie che al veve fate chê brute frenade cause il gjat. Dopo cinc chilometris al rivà sot la prime lûs dal siò paîs che nol veve nancje figure di cristian. Al dismontà de biciclete par viodi ce ch’al jere capitât: i budiei mal peâts si jerin fats sù te ruede daûr, e chê ju veve masanâts une vore ben. La pôre, cuant ch’e salte te cadope, no fâs dome novante, ma ti cumbine ancje plui di cualchi dan!
di Marisa Gregoris
#1131
Conte cjolte dal Pôrecurte Day 2021
2 comments
Lasse une rispueste
Dutis lis contis
Une storie di pôre che e à dentri la pôre ma che invezit e fâs ridi… ben po dai si sin propit divertûts in chê sere 😀
Va e no va ch’ al pensi, che chei budiei e sedin dal cuarp in lûs saltât fûr dal simitieri, e cu le voie di ripuartaiu intal lôr puest, fasint cussi salta le purcitade. Lussian