Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Lets in Osterie: “Donald dal Tiliment”
Lets in Ostarie:
DONALD DAL TILIMENT
di Stiefin Morat
CE LIBRI ISAL?
Un romanç par furlan dal 2001 cun dentri i dissens di Cristian Inzerillo, scrit intun furlan naif e edit di Cormôr Salvadi, par cure di Pauli Cantarut. Al à 140 pagjinis, une ande di fumut, plui che di libri, e nuie presit e isbn sul daûr de cuvierte.
MA CUI ISAL L’AUTÔR?
Stiefin Morat al è di Morsan al Tiliment. Al scrîf poesie e prose, soredut par furlan. Al à fat part dal grup di poesie Majakovskij, de esperience di Usmis (moviment di culture rivoluzionarie furlane e planetarie) e di metât dai agns ’90 dal coletîf poetic dai “Trastolons”. Al à scrit in rivistis e antologjiis e partecipât a une vore di events. Al à publicât:Tons trastolons, poets cence leç par une lenghe caraibiche (1998) (cun i Trastolons), Tananai (2001) (cun i Trastolons), Donald dal Tiliment (2001). che tal 2007 al è stât senegjât par un radiodrame trasmetût de Rai regjonâl. Mugulis, I ultins piratis dal Tiliment (2005). Tal 2010 al à publicât Isulis, Kappavu Edizioni..
Une storie fûr cu la cassele contade di un dai doi protagoniscj, Pidins, che insieme cun Saco al va di ca e di là intun Friûl che al somee fantastic, ma ancje dai fumuts e reâl. Pidins brâf a zuiâ a balon, Saco a drogâsi cu lis budiesis, e cun lôr, framieç di aventuris strampaladis, Donald, Duck, paperino insome, propit chel de disney, che al va ator par lis pagjinis come un vêr vip de storie. Fra pachis, casins, tristeriis, aventuris di no crodi, la storie e je trasversâl e strambe, e dut si pues disi, ma no che no vedi fantasie!
MA A CUI I PUEDIAL PLASÊ?
A chei che no àn fastidis a zuiâ cu lis lenghis e a lei une lenghe mate, cjacarade e fûr dai schemis; a chei che ur plasin i fumuts e che a cjatin in te fantasie e tal miscliçament dai gjenars un valôr. A chei che ur plasin i b-movie, i hard boiled, lis cjoltis pal cûl dai stereotips merecans e i libris che a sperimentin e a àn coragjo.
E SE O AI VOIE DI CJOILU?
Nol è cussì facil. Forsit lu cjatais a Onde Furlane, e su cualchi bancut di libris furlans.
Forsit ae Friulibris ma forsit plui no che si. Magari domandant, o lant a cjolilu in biblioteche, se al ves di jessi… si acientin sugjeriments tai coments.
Forsit ae Friulibris ma forsit plui no che si. Magari domandant, o lant a cjolilu in biblioteche, se al ves di jessi… si acientin sugjeriments tai coments.
3 comments
Lasse une rispueste
Dutis lis contis
incjmò no ai let nuie di Stiefin Morat!!A vignarà il moment…La presentazion a jè un grum interesant. A mi à puartade a jessi curiose e viodarai cun qualchidun di Onde Furlane o in atre maniere!!Perdonami incjmò dei miei erors e intant cun coragjo i gjonti Compliments! Nuie Mal……Maria Angela De Campo
Ma schercistu! Chi in osterie no si sbalie, o sin intune ostarie, si cjacare come che si vul 🙂
E graciis… e subit tu leiaras alc di chest stiefin morat