Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
CC24Març#09 – Pôris e atrazions
#09 – Pôris e atrazions
Se al è alc che mi fâs pôre, al è il mâr, soredut di gnot, cuant che la scuretât no ti permet di viodi plui in là dal to nâs, e ca e tache a movisi la plui fantastiche imagjinazion, buine di fâti viodi a vignî fûr des aghis sarpints marins e medusis zigantis, cirint ognidun di vê la miôr su di chel altri.
E je ancje vere che o sint viers dal mâr une atrazion cuasi fisiche, che mi somet e mi sotane.
Di piçul, ancje se o tremavi, no mi pierdevi di viodi e lei i fumets sore il teme.
Mi visi dal mostri Kraken, un calamâr zigant de mitologjie Scandinave, cuant che i cjapave la sbisie al vignive a flôr ribaltant ancje grancj transatlantics.
Dulinvie, la gnot sovint mi sveavi berlant, juste tal chel moment che il transatlantic, grampât dai tentacui dal mostri, al discomparive tes profonditâts marinis.
Jo o jeri un dai passizîrs.
Mê mari, clamade dal gno berlâ, e rivave di corse e come altris tantis voltis mi consolave, viodintmi cuietât e tornave in cjamare sô, lassantmi impiade la lum dal scabel.
di Galliano di Buenos Aires (Fuschi)
#1574
2 comments
Lasse une rispueste
Dutis lis contis
Tai nestris siumps no sai il parcè, apene che i vôi si poin intal scûr, si jemplin di fats spaventôs, mai une volte che cjapassin argoment su cjossis di un biel insumiasi. Lussian