Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
CC24Març#08 – La prime lûs
#08 – La prime lûs
De bande de famee dai Gambìns, lui al è chel fat par spietâ, cjalâ e valutâ ben e dome dopo une atente osservazion, fâ la foto… clic!
Fracâ un boton, lu san fâ in tancj, ma fracâ chel di une Canon 80 EOS D cun obietîf 328 TAMRON, in tal mieç di une fumatele, incrudulît dal frêt e dal umit, e chel inte lagune di Maran a ti jentre fin inte medole dai vuès, a lu sa fâ dome chel salvadi dal gno om.
E jo, la sô femine di vincj agns, une bocalone come pocjis, i voi daûr. A mi imberdee ogni colp cun chê di viodi, insiemi a mi e dome cun me, la prime lûs dal dì. Al à chê di fâ la foto dal secul. A i vûl tante pazience e savê fâ… o par jessi sclete: i vûl plui cûl che sintiment. Un gran pecjât che di Mai ae fin di Otubar, jo no ai timp di viodi la prime lûs, soi daûr a patafâmi e a gratâmi. Torni a cjase plene di becons di moscjins… maladets, lôr e la lagune!
di Laura Dri (Bultrik)
#1573
2 comments
Lasse une rispueste
Dutis lis contis
Ai vûl le pompe dal flit, che di une volte, lis moscjs in cjase me ai ven l’ infârt al miocardio sôl a viodi l’ imprest. Lussian