E je ore di Panarie!

O sin sot Nadâl e e je rivade ancje la ore di jentrâ te Panarie, ma no come un toc di pan dûr, clare, ma come che o sin usâts a fâ noaltris di Contecurte a ogni numâr, ven a stâi cul nestri cjantonut di contis che a cjapin vite su cjarte.

Ma anìn par ordin. Intant une gnove che si sintìn di dâ, ven a stâi che se cualchidun, magari, al è usât a cjoli la riviste, ma nol à mai pensât di abonâsi, al è rivât il moment di decidi, tal sens che – nus disin de regjie –  i cost par tignî sù il gjornâl si son incressûts e i abonaments a son ce che a permetaressin di tirâ un pôc il flât. O cjatais dutis lis info in chest post vieri o ancje dome scrivint a info@lapanarie.it

Ma ce articui sono, ta chest numar? O cjatais, come simpri, une vore di robe. Si fevele di un misteri inte bibliografie di Carlo Sghorlon, di trop biel che al è tornâ a meti in sest oparis di cjarte vierononis, dal pitôr Schiavi, di un reduç di Cefalonie, di Aquilee, di Tito Maniacco, di Pio Paschini…. e insome. come simpri di tancj argoments di leterature art e culture furlane in gjenerâl….

E il nestri cjantonut? Ve chi, dai, che us metin lis cuatri riis che al mandât l’Ostîr par spiâ ce che al à sielzût, per chest trimestri!