In chê volte il furlan al ere ancjmò doprât avonde e si podeve doprâ la lenghe ancje par la musiche,…
CC26Novembar#11 – La batarie
#11 – La batarie
Di cualchi bande in Cjargne doi zovins a cjaminin intun bosc:
«Ben, jo no pues plui di chest lavôr.»
«Marc, tu tu âs di finîle. Tropis voltis vino di contâsale? Vino voie di jentrâ in dotorât? O vin di fâ la gavete, ancje se no nus plâs.»
«Dài mo, Sergji, no stâ rabiâti. O sai che ancje tu tu âs plens i coions di passâ i tiei dopomisdìs pai boscs a cori daûr di chel lôf. Dome par cambiâ une batarie rote!»
«Sì, ma, stuf o no, chê batarie e va cambiade: cence golâr satelitâr il progjet di ricercje al va in casin, il professôr nus cope e nô inte universitât o jentrin dome par netâ i cagadôrs.»
«Va ben, scuse… Al jere par fâ dôs peraulis… Aromai no vin plui nuie di contâsi. O vin corût sù e jù pai monts par cuasi trê setemanis…»
«E par trê setemanis o vin fat simpri lis stessis dôs peraulis…»
«Ce pâr di coions ancje di te! Dut câs, ti aial plui telefonât chel boscadôr?»
«No, al à segnalât di vê viodût un lôf di chestis bandis e no lu ai plui sintût.»
«Amen, al jere un pôc stramp.»
«Magari al è ce che al à pensât di nô e no al à plui clamât. Bon, sperin ben, prin o ai captât un tic di segnâl di ca, no varessin di sei lontans. Prepare la sclope cui anestetics».
«Dai che o lin cjase! Ce travai a cirî chê bestie! So pari al jere plui cuiet, ti visistu di Slavc? O vevin a pene scomençât la universitât e…»
«Ce strani, il segnâl si ferme ca, ma jo no viô…M-Marc…»
«Ce? Ce isa… O Diu…»
Denant dai doi, intune piçule largjure, come un trofeu di cjace al steve un braç – o ce che al restave di un braç distacât dal comedon in jù – dut mastiât e insanganât. La tiere dulintor e jere cuvierte di maglis scuris e piçui çufs di pêl, sparniçâts pardut, a parevin nêf frescje. Tra il sanc e il pantan al someave di distingui dai sbrendui di une cjamese di fanele. Strent intal pugn, dûr come une smuarse, e risaltave une striche di plastiche blancje cun alc scrit parsore. Ancje di lontan, la scrite e jere inconfondibile par Marc e Sergji: “Io Sono Friuli Venezia Giulia”.
Materie: Siencis
di …
#1974
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
In chê volte il furlan al ere ancjmò doprât avonde e si podeve doprâ la lenghe ancje par la musiche,…
In chê volte il furlan al ere ancjmò doprât avonde e si podeve doprâ la lenghe ancje par la musiche,…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto





Lasse une rispueste