In chê volte il furlan al ere ancjmò doprât avonde e si podeve doprâ la lenghe ancje par la musiche,…
CC26Otubar#13 – Tâs
#13 – Tâs
Pal tant frêt, Marie e veve tignût piât il fûc dut il dì. E tal clip, distirât sul divan, Marco si jere indurmidît. “Puar frut – cjalantlu, e diseve sô mari – Lu àn parât vie… E dut par chês ideis matis che i amîs i àn metût tal cjâf”. E cumò tu podis crodi Pauli, so pari, cuant che al ven a savê che lu àn licenziât”.
Intant, dal barcon si viodeve che fûr al veve tacât a neveâ. Tal curtîl, adiriture, la nêf si ingrumave. Di bot a batevin lis cuatri dopo di misdì e Pauli che al jere partît aes dîs e mieze par cjapâ la ultime messe nol jere ancjemò tornât. Par chest, Marie, cruziade pal so ritart, e cjalave dal barcon su la strade sperant di viodilu rivâ.
Par fortune nol è passât tant timp che e àn sbatût il puarton dal curtîl. Al jere propit lui, che blestemant lu veve sierât vosant e fevelant di bessôl. “Al à fat simpri ce che al à volût, delincuent! Se non fos stade sô mari lu varès za copât – Tirât il cuel come a un cunin”.
Pauli al veve sintût pal paîs che a vevin licenziât so fi. Soredut parcè che al jere stât lui a inmaneâ il siopar. Lis vosadis di chel om a deventavin simpri plui fuartis. E in chel berlarili, inveint cuintri Marie, che fevelant ben planc e provave a cuietâlu, i berghele: tu tâs! Chel tâs al jere stât cussì potent, tant di vê agjitât Marco che di un pieç si jere indurmidît. Tâs, no jere dome une peraule, ma une imposizion, l’ordin che so pari i veve fat gloti fin di cuant che al jere frut. Tâs, la stesse peraule che i veve dit il paron cuant che lu veve licenziât. Un sproc che cuant che lu sintive i pareve che i seassin lis gjambis, i fermassin il cûr. E invezit cheste volte, Marco, ancje se al durmive, sonambul, si jere alçât sù cun tante foghe. E velu là tal mieç dal curtîl cuntun curtis in man, pront par là a copâ il so paron. Ce brutis robis… Daspò si jere metût ancje a plovi e chel grumâl blanc che al imbielive a tor a tor al jere deventât grîs. Cun di plui la ploie e il sanc che al saltave fûr de cjamese di Pauli a vevin fat deventâ il curtîl dut un pantan.
Denant a chel disastri ce patiment, ce dolôr tal cûr di Marie. Cuissà se al funerâl di Pauli il côr dai alpins presint pal ultin salût al lôr sergjent, al puartarà cui sôi cjants un fregul di padin tal cûr di chê biade femine.
Materie: Lenghe Foreste
di …
#1946
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
In chê volte il furlan al ere ancjmò doprât avonde e si podeve doprâ la lenghe ancje par la musiche,…
In chê volte il furlan al ere ancjmò doprât avonde e si podeve doprâ la lenghe ancje par la musiche,…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto






Lasse une rispueste