In chê volte il furlan al ere ancjmò doprât avonde e si podeve doprâ la lenghe ancje par la musiche,…
CC26Otubar#12 – Cumò o feveli jo

#12 – Cumò o feveli jo!
Tac, tac, tac.
Il scarpel al muart il len. Une sclese e salte vie, e jo o sint chel colp fin dentri lis creturis des mans.
«Ohè, planc! Ce isal dut chel cuarantevot culì? No puedistu lassâmi in pâs?»
O fermi il lavôr e o cjali chel mus che al sta vignint fûr dal len.
Mi somee che mi cjali di brut, cun chês orelis sbassadis.
«Sac di forment, no stâ a dimi che tu fevelis…», jo i rispuint mieç çondar. «Ce vuelistu vê di me?»
«Jo? Nuie. Tu sês tu che tu vuelis fâmi cori a Feagne, ae corse dai mus! Dutis lis voltis la stesse storie. Nissun mi domande se jo o vuei cori o no?»
Mi scjampe di ridi, ma lui nol rît par nuie.
«Tu ridis, eh? Prove tu a vê un che ti monte parsore, che ti tire i muscui e al ponte il cûl sore la tô schene e ti berle tes orelis. Se al rive ultin e je colpe mê. Se al rive prin, al è lui che al à vût snait. Ti someie just?»
Un sgrisul mi strenç il cûr.
Mi torne iniment Feagne, il polvar, i zovins che a montin sore chês puaris bestiis.
«E inalore, ce puedio fâ, jo?»
«Lassimi cori dome cuant che o vuei jo. E lasse che mi fermi cuant che o soi strac. E magari, une volte, disi che mi fasin une cjarece.»
Mi sint Geppetto e pari di Pinocchio.
Oh Signorut, no sarai mighe il pari di un mus?
Intant che o rît di bessôl, o doi l’ultin colp di scarpel.
Mi somee che il mus di len al sedi finît.
Mi fâs tenerece cun chês cuatri gjambis plantadis par tiere…
«Alfrêt», velu che mi dîs, «une ultime robe. Cuant che mi cjalin, no sta pandi che o soi un mus che nol sa cori. Dîsi che o soi un mus che al à imparât a dîsi di no.»
Lu cjali miôr.
O ai cirût il len, ma o ai sintude la cjâr, la fadie e il flât di une bestie.
Di un mus destinât a cori par fâ biele figure a chei altris. Al borc intîr di Feagne.
«E daspò, Alfrêt, no sta dismenteâti di une robe. Ancje nô, mus, o vin un cûr. O meretìn rispiet e, ogni tant, ancje di fâ ce che o vin voie.»
Il gno mus nol côr.
Ma al à cjatât il mût di fâ sintî la sô vôs.
E, par une volte, ducj a scugnìn scoltâlu.
Ancje se al è di len!
Materie: Art
di…
#1945
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
In chê volte il furlan al ere ancjmò doprât avonde e si podeve doprâ la lenghe ancje par la musiche,…
In chê volte il furlan al ere ancjmò doprât avonde e si podeve doprâ la lenghe ancje par la musiche,…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto





Lasse une rispueste