Biele, biele, biele. Une vore divertente. E senze mancjâ di rispiet a nissun!
CC26Otubar#11 – Eco-Ansie

#11 – Eco-ansie
Lassantsi daûr il Fontanon di Goriuda, Dario al mandâ fûr un sospîr di solêf, al jere stât dome par un pêl, ma almancul par une dì al jere libar.
Ereditâ la cjase Oberrichter a Malborghet lu veve sintût tant che un regâl dal cîl, cinc agns indaûr, ma cumò, cualchi dì si sintive presonîr de cjase e al jere come se al cjaminàs sui mûrs dal ristorant.
Timp indaûr, cuant che a jerin obleâts a vivi intune citât rumorose come Udin, la idee di vivi dongje des monts, tal mieç dal nuie, e someave la soluzion a la sô eco-ansie. Ma in dì di vuê, tratâ cu lis personis e jere la robe preferide di Cinzia, no la sô, lui al jere miôr lassâlu cul so ordenadôr, o cui piçui lavoruts di ogni dì: intune cjase plene di bibelots, la ultime robe che e mancjave al jere il timp par metiju a puest.
Jê lu veve capît dome cui voi, e lu veve lassât partî cence barufis…
Al parcà la R1150 RT gris-perle al Pecol Alm e a planc, ma cun il cûr lizêr, al cjapà il CAI 622.
Cuindis minûts daspò al rivà al rifugi Brazzà e al bevè il so prin espresso dal dì cuntune brioche, i plaseve il sun de peraule, lu puartave tal forest, in France, dulà che al veve vivût di zovin.
Dopo vê lassât indaûr la jerbe verde, al scomençà a cjaminâ dilunc de mulatiere; chei morbits zig-zags de cjaminade a lassavin vagolâ la sô ment cence preocupâsi di dulà che al meteve i pîts… almancul vuê, vignint in moto, no vevi straçât tant carburant come cu la Pajero… o ai riduzût la mê impronte di cjarbon di almancul il 30 par cent… Cinzia mi à proponût di visitâ il labirint de gjavis di Raibl, ma vuê o volevi stâ a sintî l’aiarin fresc di forchelle di Terrarosa, nissun interés a viodi ce che a son deventâts chei lûcs iper-incuinâts di jêr, o vevi vût vonde di sîts ruvinâts in Paris, o Udin, une altre dì le compagnarai a viodi la gjave di carbon di Cludinico, o la gjave dal fiume Resartico…
Cun chescj pinsîrs tal cjâf, al rivà al inizi de ultime scjalade.
Cumò al veve bisugne di jessi presint, di stâ atent a dulà che al meteve i pîts, la zone di gleriis e precipizis dapardut e domandave dute la sô atenzion.
Rivât in cime la vision a 360 grâts de valade Saisera e dai Jôfs di Fuart e il Montasi a lu conciliin cu la vite, al reste in cime fin che si rint cont che a no son personis dulintor. Si jeve sù, ma il clamâ di une acuile al fâs alçâ i voi al cîl e…
Cheste e je la ultime robe che si impense, al contarà al miedi dal elicotar che al jere daûr a sigurâlû par lâ tal ospedâl, par fortune al à dome une frature (no esposte) dal femur dret. Ma lui è pierdût in altris pinsîrs…
…o la vê fât buine cumò, cun chest scherç dal elicotar la mê impronte di cjarbon e à saltât tal montafin…
Materie: Furlan
di…
#1944
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
[…] (1998) e l’audiolibri Tananai (2001), la plaquette Le linee di Nazca (2015) e lis racuelte Isulis (2009) e Conseis…
[…] Sosta Urbana, pe regjie di Andrea Collavino. Simpri in prose al à publicât il romanç distopic Kebar Krossè (2016),…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto





Lasse une rispueste