CC24Avost#24 – Il segretari

#24 – Il segretari

O stoi chi, distirât a panzarole a ôr de pissine olimpioniche e le spieti. Jê e à di nadâ i siei doi chilometris lontan di vogladis indiscretis. A jê nadâ i plâs tant.  Ind à bisugne. Par mantignî la sô sanitât fisiche e mentâl. Parcè che e à une ocupazion che le disgnerve.
Sigûr che e pâr jessi brave, ma invezit e je bravonone. La prime de sô categorie. No dome tal so paîs, ma tal mont. Laure in leç. Avocat par cetancj agns. Daspò Public Ministeri. Cun causis impuartantis prin a nivel locâl, po a nivel nazionâl e tai ultims agns ancje a nivel mondiâl.
Mientri che le spieti, jo mi rosoli tal soreli di Avost. Spiete che mi volti e che mi meti cu la panze par jù, si no o varai une bronzeade nome di une bande, stîl gridele.
Ferbinte… e je ferbintissime. E à lavorât te ombrene di chel om senîl par masse agns. Sopuartâ di jessi il numar doi, cuant che e je fate par jessi il numar un.
E à finît di nadâ. E ven de me bande. Tocje alçâsi.
“Yes, Madam President. At your orders!”

di Daisy
#1739