CC24Lui#24 – Une conte cinese

#24 – Une conte cinese

Ricart al jere sentât inte cjadree intant che al cjalave i aeroplans che a lavin e a vignivin. Al jere un om di abitudin, simpri cunl stes program, cun di plui un om solitari. La sô storie e jere brute, al jere un veteran di vuere, la vuere plui injuste de storie argjentine. Chest al sclarive il so caratar.
Un dì Ricart al vuidave la sô machine e al viodè un om a pît che i someave jessi de Cine. Al ploveve come se nol ves mai plovût e Ricart, che al jere un om ranzit ma cuntun cûr d´aur, lu cjamâ sú su la machine. Cuant che a rivarin inte cjase di Ricart lui al scomençà a domandâi cui che al jere, di indulà che al jere cetantis domandis che no cjatavin rispueste parcé che chest om non fevelave par spagnûl. Il cinês al fevelave svelt e no si capive nuie. Ricart, cence pazience, si displaseve a puartâlu vie di cjase sô, la relazion e jere gnervose e al decidè di puartâlu ae cuartîr cinês ma li nissun al fevelave il so dialet e Ricart, rabiôs, lu lassá li di bessôl. Daspó di un pôc di timp si sintî a malincûr e al tornà par cirîlu.
Lu cjatâ e al decidè di domandâ di mangjâ cinês e il fantat che i puartà il mangjâ al saveve il dialet che al fevelave chest cinês, alore, a scomençarin a fevelâ. Il cinês, che si clamave Tian, al veve une storie brute parcé che al veve lassât la Cine parcé che al veve pierdût la femine e plen di malinconie e cence lavôr al jere lât a cirî gnovis aventuris.
Ricart, par cambiâ discors, si ricuardà che al tignive a ment un regjistri di gnovis, raris, discuviertis ator pal mont, tant chê che par esempli chê che e afermave che la Argjentine e jere in vuere cun la Ingletiere e che i zovins di disevot agns a scugnivin bandonâ la scuele e cjoli lis armis. O pûr une altre suntune cubie cinese che e leve ator intun lât e di bot une vacje e jere colade jù dal cîl parsore de femine e le veve copade propite li, denant dal so om. Al someave che une bande di laris e puartave in avion vacjis robadis e a no veve sierât ben la puarte cussi la vacje e jere colade jù.
Tian, cui voi plens di lagrimis al disé: «Cheste storie… e je la mê».

di La Ciachegna
#1712

1 comment