#10 – Europe… Principesse
– Agenor Rex Ufici/Gnovis urgjentis/A cui che al pues rivuardâ: La Principesse Europe (non codiç PE) e je mancjante. Notiziis di Tiro dal moment a disin che la ultime volte che e je stade viodude al è stât cuant che e jere te splaze di Canaan cun la sô compagnie. Si inzornarìn cuant che o savarìn di plui.
– ARU/GU/Segretissim/Notizie no ancjemò verificade: In aparence PE e riposave dongje di une mandrie di vacjis e si è distirât ai siei pîts un taur blanc. Jê lu à careçât e lui i à lassât fâ e cuant che jê, ingjanade de sô bontât, lu à montât, a son partîts daurman intal mâr. Lis vuardiis e lis sôs feminis di compagnie a son restadis cence flât.
– ARU/G. di vuê/Agenor Rex Ordin: AR al à ordenât che i siei fruts: Cadmo, Fènix e Cìlix a vadin vie a cirî PE dapardut, e che no tornin a cjase cence di jê. Notizie in evoluzion.
– ARU/G. di vuê/ ARU Crete/: In aparence il taur blanc a mostrât di sedi il Diu Jupitar. Notizie cence conferme. Si inzornarìnadore.
– ARU/G. di ultin moment/ARUC: E je stade confermade la identitât dal taur blanc: al è pardabon JD. AR al clame il consei di ilustris par studiâ la situazion e i proceduris necessariis.
– ARU/G. di vuê/Comunicazion publiche: In relazion al secuestri di PE AR al à decidùt di lassâ durmî dut. Notizie in evoluzion.
– ARU: AR al clame al public in general par che si spandi la gnove e a tornin a cjase Cadmo, Fènix e Cìlix. PE e je stade cjatade vive e in buine salût e je a vivi cun JD a Crete. O sperìn che C., F. e C. a sedin ancjemò vîfs.
– ARU/ARUC: Il agregât culturâl di Tiro in Crete (sic) al à informât che PE e je gravide/Notizie in (franc) evoluzion.
– ARU/ARUC: PE e à vût un frut mascli che a àn clamât Minos. Ducj i doi a son in buine salût. Salve PE e Minos! E congratulazion JD. O spietìn di cognossiju adore.
– ARU: notizie finâl: ARU si siere pe muart de AR. Salve AR.
di Ombre Grise
#1698
