CC24Jugn#20 – Secretariât, dôs storiis

#20 – Secretariat, dôs storiis

Peraulis, peraulis! Nus puartin sintiments, emozions, domandis, musiche: “rosade” e à poesie, nus loghe intun moment precîs dal dì. “scufiôs”, nus mene dûl e pôre. “dindin” nus dà un sunsûr legri e piçulut. E ce robe nus menie la peraule “secretariat”?
Oh, no lu savevi, ven a stâi che o scomençai a fâ l’investigadôr dal vocabolari; mi faseve pensâ a avualance, uniformitât, vueit.
Jerie une peraule dal furlan o forsi dal inglês? Al sucedé che e jere propit une peraule dal inglês che e significhe “i uficis o lis personis responsabilis de gjestion di une istituzion publiche o internazionâl, tant che la ONU ”.
Dongje a chest significât o ai scuvierzude une storie maraveose.
“Secretariat” al jere il non dal cjaval plui impressionant, plui popolâr e plui veloç di ducj i timps.
Al jere nassût tai Stâts Units di Americhe tal an 1970. La sô pelice e jere di un biel rossit slusint, al veve trê gjambis blancjis e ancje une stele blancje tal cjâf; lu clamavin ancje “Grant Ross”.
Al scomençà a cori intal 1972. Tal so tierç an, tal 1973, al é deventât il novesim Campion de Triple Corone; dilunc di 25 agns, nissun al veve otignût chest premi. I spetatôrs no lu podevin crodi, lui nol scomençà batint un record, ma planc planchin. Ai siscent metris dal arîf al vinceve di vincj lungjecis, e ae fin di… trenteun lungjiecis!
La int e jere plene di gjonde, e dave di volte, e jere deventade mate!
Tantis voltis lis grandis storiis a àn ator ator cetantis piçulis contis. Ta chest câs une mi à interessade pardabon; e cun di plui e rispuindarés a la mê domande: parcè lu áno clamât Secretariat?
Al é sucedût che cuant che il puieri al veve un an a nol veve ancjemò un non. Elizabeth Ham, segretarie par tant timp de famee proprietarie di Secretariat, e dové sielzi il non, jê e presentà dÎs nons al Jockey Club, nissun al passe; ven a stâi, che si ricuardá i timps di cuant che e lavorarve par un diplomatic tal Secratariât des Nazions Unidis, e ve che e veve cjatât il non: Secretariat!
E cussÎ che un non pardabon stramp al fo, daspó, imortalât par un cetant biel animâl.

di Norma Romotowski (Ghiringhel)
#1680

1 comment