CC24Jugn#16 – Une serenade par Daisy!

#16 – Une serenade par Daisy!

E veve i voi sierâts. E jere ancjemò confusionade. No jere une di chês che si sveavin di colp. E veve ricuarts fumôs de sere prime. Infin, e veve decidût di cjantâi une cjante. E veve tacât – Wise men say – sù po, vierç il balcon, si jere dite – only fools rush in – a mancjavin pocjis oris al lôr matrimoni. But I can’t help falling in love with you – parcè e jere bessole?
Nissune des sós amiis e jere rivade – Shall I stay? ma si jere imprometude – would it be a sin – e voleve viodile prime.
– If I can’t help falling in love with you… DAISYYY! E veve vosât impaziente. E veve tornât a pensâ? Vevie falât il balcon? Sclete no jere par sigûr. I fasevin mâl i vues… lis articolazions. Ma cetant vevie bevût? O che salacor e jere clopade?
E clamâ ancjemò une volte Daisy? Une impression strane i cjolè il stomi.
– Oh, ma molistu di sberlâ?
Lis peraulis a forin acompagnadis da une fuarte strete di braç. E vierzè ben i voi e viodè une monture vert clâr.
Daspò, cheste e metè sù une muse strache e induride. No rivave a capî dulà che e fos. No viodeve i libris e i cuadris di cjase sô.
‘Ma o ai di preparâmi! Mi voi a sposâ. Cui sêstu tu? Ce vuelistu? Lassimi stâ!’
‘Calliope, vonde! E sarà la seste volte che tu ti insumiis la gnot prime de tôs gnoçis! No rivi nancje a capî come che Daisy e vedi podût dîti di sì cun chê vôs che tu âs.’
Si cjalèmiôr i pols, i braçs, lis mans! Ce jerial stât dal so cuarp? E dal so cjâf? E di Daisy?

di Alessia Meacci, Patrizia Torossi (Incocalît)
#1676

1 comment