CC24Jugn#12 – Gato

#12 – Gato

Un altri flum plen di claps grandonons! …o soi strac madûr di lôr! …o met mâl la man e mi romp un vues, cirìn di cjatâ un lûc plui sigûr… plaf plaf plaf…tranquilo Gato! ...danazion! …al è rivât il gnogno dal paîs, cumò si inçopede e al va al diaul cul paron…

Al è pardabon un gjat! Al è un bon di nuie, no fâ calcui, al va in ocje e al fâs colâ sul cûl al capo, chi cu la sô pazience di svuizar al sopuarte dut di lui: o lu ves lassât tai cjamps di Solanè!: lui nol à nancje i coions, nol à cjâf par un viaç dal gjenar: mi fâs cjapâ une rabie…
Caghìn!: une mule di pas!…cumò si fâsarà l’inamorât e al provarà a strissinale: al è alc che cè il vieli cragnôs! …al crôt di podê fâlu ancjemò …PAF…ah ah ah: la mule i à petât intal pet!, il so pont plui debil, mi plâs une vore, al è un ferabut!
Hurra! …chest nol è in stât di cjaminâ, al restarà indaûr ancjemò, in fin dai fats o al dovarès di meti suntun altâr ae mule!: in gracie di jê a mi soi salvât dal sopuartâ lis sôs stupidadis, e soredut: Guashinton, velis ca!: Donemè e Mancha insiemi a la fin da lis fins e  il Gato: … a lâ in cûl!

Notis par capî alc di plui:
Mule di pas : mula di paso, nemâl usât a compagnâ i cjavai tai viaçs luncs dilunc planuris e monts.
Jessi un gjat: Un puar indât
Donemè: (don) Aimè Felix Tschiffely, svuizar (Berne-1895/Londre-1954)
Mancha Cardal: Cjaval di raze creole argjentine, che Tschifely al à comprât ae cacique tehuelche Liempichun e che al è stât domât par Emilio Solanet te Estancia El Cardal, al è muart tal 1944
Gato Cardal: idem, muart tal 1947
Tschifely al è lât a cjaval cun ducj i doi intun viaç di 16000 km da Buenos Aires a Washington che al è durât 3 agns e mieç (1925 – 1928)
Solanè: Emilio Solanet. 1887-1979, argjentin vâterinari, arlevadôr e une autoritât su i cjavai di raze creole Argjentine.

di Marcelo Del Mestre (Ombre Grise)
1672

2 comments