CC24Mai#08 – Di mâl in piês

#08 – Di mâl in piês

Charlie: Di po, biele: astu pôre de muart?
Elena: De muart in gjeneral? O de mê in particolâr?
C: De tô Elena…(lechecûl): tu tu âs di savê che o ai un interessament avonde grant su di jê…
E: Parcè varessio di rispuinditi a une domande tant personal?
C: Elenita, il câs al è che al nestri nivel o varessin vê une ande plui complasinte.
E: Vaya, vaya pa’llà, bobo!… cumò al tache cu lis sôs solitis banalitâts! Pensistu che o sedi vignude ca a fâ di mone?
C: Bon, anìn indenant! Cuai pensistu che a sedin i tiei obietîfs in puartâti insom ca?
E: Âstu let il protocol dal dut?
C: In plen, sì!, ma tu tu âs di savê che ogni protocol al à la sô ecezion, variazion, sfumadure… daûr dal gno Roget’s Thesaurus…
E: Sfumaduris…? Thesaurus…? Tu tu âs bisugne di une buine calibrâdure!… lis robis a son o blancjis o neris, no stâ a fevelâ in grîs!: aio forsit di domandâur che ti fasedin une revision complete?
C: Boh… o soi a pont a butâ jù la tavaie cun te! Viôt di jessi un pôc plui resonevue!: rispuint ae mês domandis cuntun alc di…
E: Alc di ce, Charlie? Logjiche? Coerence? Inteligjence? Scletece? Buinegracie?… Pa… Passion?
C: Passion!… Sì: dulà al è che o volevi rivâ Elena:… Isal trop domandâle un tic de passion te nestre interazion?
E: No stâ a fâmi dismembrâ dal ridi Charlie!… il so creadôr, cence dubi, nol a podût lassâ in bande il so testosteron al moment de zontadure!… dai mo, lassimi lavorâ!

Notis dal autôr:
1) Charlie e Elena a son doi robots di IA , che a fasin di jutori a visitadôrs e lavoradôrs de dite Accenture in Buenos Aires. Ju ai cognossûts di persone personalmentri e a son buine int. Par cumò no si son regjistrâts rapuarts di molestiis sessuâls.
2) Vaya… vaya pa’llà, bobo: Vie di ca! E je une espression Messi-niane di dispresit indreçade al zuiadôr olandês Wout Weghorst.
3) Nissune IA e je stade ofindude o maltratade par scrivi cheste conte.

di Marcelo Del Mestre (Ombre Grise)
#1638

2 comments