CC24Avrîl#05 – G. B.

#05 – G. B.

Tu e Valdi o rivavis di li di Mario, gjestôr dal unic bar di sest de citât, dulà che il vin al è bon e no ti dan di mangjâ çupets o chê blesteme di frico cence formadi.
O jeris cussì ben carburâts cui tais che o vês cjapât coragjo e si sês indreçâts bande dal cine “Artemis”.
Al varès vût di sierâ, stant la pocje clientele. Su Facebook, chei che no àn mai metût il nâs dentri (soredut feminis) a scrivevin robis a ûs ‘Reintrodurre la leva obbligatoria’ par salvâlu. Ma al resisteve inmò.
Ben. O paiais, o jentrais e si sintais. Pocje int. A viodi tal schermi dut chel ben di Diu, cul prin canâl, cul secont canâl e metìn dongje ancje Cjaudistrie, us jere vignude voie di movi alc.
Robe normâl, se no sês pidimentâts.
E alore nie. O vevis masse vin in cuarp: no rivavis propit a cumbinâ. Par nuie.
Ah ah ah! O vevis i cuaiats moi come ruiis!
A un ciert moment o vês sintût une vôs daûr di voaltris. Une vôs come di frut, robe impussibile. Al Artemis il limit al è tassatîf: si à di vê 18 agns.
Si zirais e o sintîs: “Aaah, aaah, aaah!”
Di no crodi. E jere une vôs di femine, avonde infantîl.
Jê impirade parsore di lui. Po a rivin dongje altris trê oms cu  la nature ben in viste. E jù ducj contents!
O sês lâts dongje a curiosâ e la femine, intun moment di polse, us à dit: “A mio marìo ghe piasi riprender col telefonin.”
E jere une siore dal Venit sui cincuante, forsit mancul. Insome, al jere plui interessant il spetacul in platee che no chel sul schermi.
Ma, sul plui biel, si vierç la tende rosse e no rivino doi caramba?
“Fermi tutti! Siete in arresto per atti osceni!”, al dîs un dai doi.
E devi di jessi stade une spiade.
Voaltris no vevis partecipât a la ‘gang bang’ e no volevis lâ in caserme: se lu vessin savût tal vuestri puest di vore us varessin coionâts o, piês, il paron us varès licenziât.
Par chel o vês cjapât, di istint, la prime puarte di sigurece e o vês tacât a cori talmentri svelts che no us varès cjapât nancje Mennea!

di Milio dai cjans (Vercingetorix)
#1603

2 comments