CC24Zenâr#23 – Un bus un orcul… e jo

#23 – L’orcul sul autobus

Eco, ti viodei!
Chestis peraulis a derin fûr intun piçul berli di plasê, un sun çondar, intant che o viazavi in bus.
E cussí che al tacá un dialic che mi à fat sintî un pôc mate.
Tu jeris scjampât fûr dal cartelon che al faseve part di une esposizion di pituris di Willian Turner… Sí, tu jeris saltât fûr de fumate… di chê burascje!
Dibot il gno cjâf al jere colât intun timp lontan… Di sigûr il bus e jere la mê machine dal timp. Sí, ti viodei. Ti viodei cun gnûfs voi!
Za no ai plui pôre intal pet cemût cuant che ti viodevi îr.
Ti cognossei a vot o nûf agns, juste che o vevi tacât a lei contis par gno cont. I libris a jerin simpri amîs maraveôs!
O ricuardi cualchi non, i prins a jerin: “Il gjat cui stivai”, “Jack e i fasûi magjics” e tantis contis di fadis.
La leture di chei libris mi jemplave di contentece.
Cumó mi rint cont che miei gjenitôrs no mi án mai contât une conte… nancje une piçulute.
No podei gjoldi di chel ritual e simpri lu vaiarai!
Ti ricuardi trist, disgrât, brut e cragnôs…
Ator ator la scuretât, arbui cun ramaçs intorteâts che a fasevin fueams maestôs che no lassavin jentrâ né il soreli né la lune e simpri, i rumôrs dal to cuarp grandon, ducj stomeôs.
Simpri tu jeris un protagonist necesari di tancj romançs e a dispiet di dut, un lûc di incuintris des creaturis umanis.
Tu scugnivis interpretâ il rûl dal amî dal diaul, e cence volê tu nus vevis insegnât tantis robis justis.
In dí di vuê ti pensi tant che un cjar amî, cun tenarece.
Une fuarte scosse mi veve tornât a menâ te realtât.
O viodei fûr de barconete dal bus…oh, oh, oh!… Dulâ soio?
Oh, oh, oh! O ai di dismontâ!
Sofêr, par plasê!… Ferme il bus!!!
Cui pîts sui listons o restai biel spacant lis mês mans… e biel berlant o disevi, “Mandi, mandi cjar orcul de mê infanzie!”
O ridei a pene, e planc planchin, o stevi tornant a cjase…

di Norma Romotowski (Ghiringhel)
#1529

1 comment