CC24Zenâr#02 – Ce fin ingloriose

#02 – Ce fin ingloriose

“Cjale là ce schifo” al vôse Gjeni il barist. Ma vuê no le à cun Nevio, che pûr al sbave, cjoc e mieç indurmidît sul banc dal unic bar di Valstuarte.

Il servizi in television ai vose sore.
“KRAMPUS VERGOGNICJ” “LARI” “KRAMPUS BANDÎT”, chescj i coments plui bogns” al dîs il gjornalist.

“Al somee che dome vuê Krampus al veti piardût quasi 150mil followers, e al è in silenzi social di une setemane”.

“Al è stât dopo il grant sucès dal film dal 2015 che Krampus al à vût il coraç di fâ coming out e di diclarâsi par chel che al jere: no un atôr uman o piês computergrafiche, ma une vere, reâl creature demoniache che e à doprât la sô mostruositât in ta l’unic rûl che le mafie dal politically correct ai a permetût. I social a vevin amât subit las sôs posizions edgy e triggering, e lu vevin rindût a colp il poster boy di ducj i violents, i sataniscj, i sassins injustamentri emarginâts da la societât contemporanee. Bon di cambiâ il risultat di Sanremo o di une elezion cuntune ruzade, presentant il so musical al veve dineât cuntun gjest aristocratic da le man une sô candidature politiche. “I voi sta dongje da le mê famee” al veve det a l’intervistadôr, fasint riferiment a lis sôs gnocis cun le Befane, e ignorant las critichis par vê lassât le cjargne par Milan. “Par stâi dongje e sostignî le sô cariere di infernencer par i siei prodots di brutece intun ambient veramentri infernâl, plui dal Parlament”.

“Timps di sucès, che cumò, samein lontans” al veve comentât funebri il gjornalist.

“Dome un fraintendiment” al rugne il so avocât intervistât. “i fonts par il pandoro anticristian che i vevin di finanziâ le vuere i son finîts a finanziâ un orfanotrofi dome par un fraintendiment, a sua insaputa”.
Ma i social, come Satana, no perdonin. E cumò tabain di”

“Schifo, già” al dîs Nevio “nencje il mâl, san plui fâ ben”. E al cole jù dal banc, cjocat.

di Nevio
#1509