CorseCurteNovembar#11 – Tinut

#11 – Tinut

E le puare mari
maludive chel dì,
chê che pe bisugne dal pan
al doveve partî.

Diu ti vuardi Tinut,
lu disè chê mari,
cuant che pal mont
al è lât vie di frut

Cence dûl chê miserie
a robâ i fruts a la mari,
mandantju pal mont
par sbarcjâ il lunari

Tinut al è lât vie
cence timp ne bandiere,
sôl la fuarce dai braçs
In lui jere vere

Al sperave ma tant
in che tiere lontane,
di cjatâsi un lavôr
e un tic di fortune

Ma i siums dai puars
no cjatin mai puart,
il mâr su chê tiere
lu à puartât ma di muart

Chês ondis rabiosis
a àn glotut il vapôr,
cui siums di Tinut
ch’al cirive lavôr

Chê puare mari
e sperave ogni dì,
gnovis de puestine
che no fossi cussi

di ***
#1***

1 comment