#06 – Cricant il dì
L’Est, pont cardinâl dal soreli jevât, al scjavace la aurore cun inusuâl fuarce e vigôr. Tun marilamp al slargje il spazi emanant la sô radiazion, il so volum di luminositât e clarôr, al inonde l’intardâsi des noturnis ombris. La lus si fâs indevant cun risolude fermece, someant che stes mandânt vie cun imberdeâts e disordenâts sburtons lis ancjemò scuris curnîs e ruspidecis, olmis di chel neri e suturni tabâr de vilie.
Il so lustri, pûr e slusint, al torne a cjapâ la diarie e cuotidiane cerimonie, une conversazion intardade cul cosmi circondant, interote nome in forme ocasionâl dovude a un periodi di intensis ploiis stagjonâls.
Cence pôre di inçopedâsi tes dificoltâts climatichis, il lusarili al continue la sô strade, il so percors, posizionantsi tal apiç de sene, scovânt al so pas ducj i sediments e i nûi a lane.
Chel dì, la lus e fo: Soreli, astri e stele. Jê, imutabil e serene e continue il so percors, sigure e infalibil che tal so ream il soreli nol larà mai amont.
di ***
#1***
