Lis lûs si impiin subit, lis puartis si sierin cuntun colp, a son rumôrs di laments tai luncs coridôrs dai Tribunâi di San Nicolás.
Dutis lis seris o pûr lis gnots, e rive la fantasime.
Al è stât culì di plui di cent agns. Al zuie cun lis cjartis, al bale cun lis cjadreis, i ordenadôrs a tremin.
Di gnot, come un re, in pîts tai barcons, al cjale il lusôr de lune parsore dal flum Paraná, devant di chel Palaç.
Il so non al è Benito. Diviersis personis a disin che al è il spirt di un presonîr che al è muart cence condane. Altris a disin che e je une anime dal cimitieri che al jere lì prin de costruzion dal edifici.
Vuê e je la scuse perfete par un grum di int e impiegâts che a scjampin vie adore di chel lûc di lavôr, par non cjatâsi cun la sô muse dutis lis seris, a disìn, soredut intai vinars dopomisdì.
di Maria Veronica Moscufo
#1***
