A La Plata e je une zone dulà si jerin viodûts dai ovnis.
Cheste e je un storie dal fin dai agns ‘80 cuant che un parapsicolic al diseve che al jere a stâ intune cjase abitade dai aliens.
La storie e je stade contade par setemanis dal telegjornâl “Nuevediario”; o ricuardi il gjornalist José de Zer, che al jere avonde fantasiôs.
Il parapsicolic al clamà José de Zer par dîji che al tignive fotografiis di aliens che si scuindevin te cjase, intun poç magnetic. A de Zer la storie i interessà e al jere vignût a La Plata cuntun cameraman par filmâ ai aliens. Une gnot il parapsicolic al colà dentri dal poç magnetic intant che al berlave che i aliens lu stavin cjapant: “Mi cjapin, mi cjapin”. De Zer e un altri lu “salvarin” tirantlu fûr dal poç.
Intune altre ocasion, za cu la presince di agjents di polizie, a cjatarin des batariis dongje dal poç magnetic, e de Zer al marcave: “A son incandessentis, a son incandessentis! Ise vere agjent?”
“Sì, sì, a son incandessentis!” Al rispuindè il poliziot intant che al puartave lis bateriis cu lis mans cence brusâsi.
Da chel moment la int e scomençà a svicinâsi ae cjase par viodi ce che al stave lant indevant; e il rating di “Nuevediario” al scomençà a lâ sù.
Dut il mont al diseve ce che i aliens a stavin li, nissun al dubitave, ma nissun ju veve viodûts.
La int si ingrumave simpri plui dongje de cjase e l’inzen popolâr al veve puartât dongje “choripaneros”, chei che a vendevin di mangjâ pan e luianis, ma ancje i vendidôrs di pipinutis di aliens.
La notizie si è difondude al di là dal confin e un grup di ricercjadôrs svedês al è vignut par indagâ su i fats. Ma logjic, no àn cjatât nuie, e soredut a àn vût la sorprese che ducj i lôr imprescj a forin robâts.
I vicins a scomençarin a lamentâsi de fulugne, che e butave claps cuintri la cjase e che par cetantis voltis a jerin colâts sore lôr.
Po dopo, planc planchin la storie si è sfantade e “Nuevediario” al passà a un altre notizie par intratignì la int.
Cheste storie è vere, la uniche robe inventade a son i aliens.
di Ricardo Gregoretti
#1389
