Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
CorseCurteAvrîl#02 – Il mus e il purcit
#02 – Il mus e il purcit
Un purcit a si vantave
Viers il mus il tratament,
Che il paron par lui doprave
In creance e sintiment
Bevaron a la matine
Bevaron misdì e sere,
E in forme tant ninine
Cocolât fûr di maniere
Chest purcit sa le gjoldeve
Intal cjoli a cûl il mus,
il paron mi da la polpe
E par te al reste il vues
A chest pont il mus rispuint
Cence pêi te lenghe in bocje,
Benedet tu no tu sâs
chest Invier ce che a ti tocje
di purcits passâ ca dentri
ai viodûts ormai un grum,
ma rivâ di un an al altri
a no ai viodût nissun
e cussì sta pûr content
intal jessi ben tratât,
sot i trâfs intal sot scjale
tu sarâs salam picjât
la tô cjar sarà taçade
masanade dute a fin,
intai budiei par ben folcjade
e picjade in camarin
intal sintî cheste sentence
che il mus in clâr i à dit,
il purcit piert la baldance
cussì ancje l’apetit
a chest pont il mus profite
e al slungje il cjâf tal cjôt,
par mangjâ tal laip la polpe
cul purcit che al vai e al viôt
sù coragjo i dîs il mus,
no mangjant tu vâs sot pês,
e il paron viodintti magri
po slungjâti cualchi mês
di Luciano Marinig (Potonzio)
#1233
2 comments
Lasse une rispueste
Dutis lis contis
Le mestre i domandà a Pierino cuale che je le fieste che plui ai plâs dal an; CUANT A SI PORCITE, rispuindè l’ arlef.