CorseCurteFevrâr#22 – La cjase dal cuviert blu

#22 – Le cjase dal cuviert blu

O lei sul autobus tant che ducj i diis par visitâ gno pari cuant che o viodei chê biele cjase cun il cuviert blu, une puarte grande che e vvee une gruesse batude di bronç. Il curtîl al jere in maniere perfete, al veve flôrs di ca e di là dal troi che lu divideve in doi, tulipans ros e zâi, une cumbinazion vivarose che al fasè che miei voi a sclopassin intune alucinazion.
Gno pari al jere in preson parcè che lui al veve robât cuntune arme, al jere cetant agns indenant. Puartavi simpri alc par magjiê e par podê spartî un bon moment, o pensai a chê cjase e di vivi li une vite maraveose cun lui. Di podê vivi insiemi tant che une famee, spartî i gustâs. Cheste idee mi puartà a mont diviers. A monts dulà che no soi une adee lui nol è un delincuent cuntune realtât diferente dulà  che no vivin intun carel cuntun curtîl dulà che il unic ornament al è une cjadree vecje e altris rotams. O levi pensant chestis robis cun flôrs colorâts e cjasis cun biei curtîli cuant che o rivai ae preson.
O cjaminai une strade par jentrâ e o domandai par viodi gno pari. O domandai si sintì ben parcé che nol jere cun buine muse, al veve la muse palide e siei voi a jerin scûrs tant che al stes vaìnt. Mi domandà di fâ alc par gjavâlu di chel lûc, al jere in bore, o volevi fâ alc par jutori ma no podei fa nuie. Lui al veve che imparâ la lezion. O fevelai de cjase che o viodevi intun biel cuartîr e che mi plasarès comprâ par vivi insiemi tant che une famee feliç. O crodei che al fos une idee mareaveose par cuant che al vignive fûr, lui al varès podût cjatâ un lavôr e vê une vite cidine, ma lui al cjalâ l´oroloi che al jere su la parêt cun strache, mi de une bussade suntun smursiel e al disè mandi.
Cuntune sensazion dolcegarbe o tornai al carel e chê gnôt o vei un sium cun bielis cjasis cun tets blus e curtîls cun cetancj flôrs cun colôrs vivaçs e mi sintii tal gno fogolâr, cun odôr di gustâ che al zirave pe cjase. E jere une rose suntune taule e o volei tocjâle ma mi sbusâ e mi sveai.

di Cecilia Liva (La Sforadie)
#1197