#16 – Yaguareté

O disveai di un suston par il sium che o vei. O jeri intal jet intun “Ostarie di Misiones”, o jeri li pes feriis, un biel lûc pardabon, un lûc salvadi e mistic. Chel bosc al respirave antîcs rituâi dai prins oms che lu abitarin, o podei sintî alc di magjic intun percors suntun vecjo templi des tribûs di chel lûc, la vuide nus spiegà che a fasevin rituâi par la buine recuelte, par esempli la storie che mi colpì di plui e fo cheste: che lôr a dopravin mascaris par mudâsi in nemai tant che il “Yaguarete”.
Al é un felin, il tierç plui grant dal mont. A podevin la ator de jungle par cjatâ il lôr nemi e cjapâlu di sorprese.
O foi inmagade di une mascare, e dismenteant dut o podei scoltâ tambûrs. O sintii une sensazion singolâr, strane, tant che cheste mascare mi fevelàs. Un berli di pôre mi puartà fûr di cheste trance, o viodei une frute e o viodei un ragn grant. Al jere usuâl in chescj lûcs che a vevin chescj insets, cualchidun inocui e altris no trop. Intant che ducj a ridevin di cheste robe fûr dal vade o pensavi in chê mascare e la energjie che e da fûr cetant ipnotiche, une calamite che mi tirave dongje.

Lis personis a contavin che lis liendis dal yaguareté no si puedin contâ parcè che ti comparìs. Al è un nemâl sacri e non mi plasarès a stai dongje.
O vei un sentiment strani, chel lûc al veve une bore che mi fasè di pensâ. O scoltai tambûrs, la gnot e jere cjalde, o lei fûr par viodi di dulà che al vignive chest sunôr.
O rivai al templi e o viodei la mascare, me metei, il gno cuarp al jere diviers e i colôrs e i miei sens ancje, o podevi scoltâ ogni sunôr dai insets. O corei e corei e o jeri un yaguarete! Subit o scoltai un berli, o lei par viodi dulà che al jere chel berli. Une famee e jere presonirie e no podevin lâ fûr di chel lûc. O cirii jutori par salvâju, di buride a son rivâts i pompîrs e la famee e fo liberade.
Jerial un sium? O jeri cul inzirli, o viodei i miei pîts e a jerin sporcs di pantan. O lei a gustâ e cualchidun al fevelave di un fat strani, une famee e jere salve par miracul, no o savei si al fo un sium o no ma o vevi vivût une esperience maraveose.

di Cecilia Liva (La Sforadie)
#1166