Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Colpe des feminis
Za fa timp, l’om di une mê amie al à finît i agns, cussì e an àn invidât dute la companie a fâ une pacjade ta un ristorant pôc lontan di chenti. Dopo vê jemplât ben il bultric al è vignût il moment di tirâ fûr i regâi, no si po’ nencje contâ la bielece di chei pacutts invuluçâts ta chês cjartis slusintis e a colôrs, parfin pecjât a vierzilis! Il fiestegjât, dopo vê cjalât chel ben di Diu, viert il so regâl, i à fat une domande ae sô femine che e stave tramaiant cu la machine fotografiche, chê no i devi vê rispuindût ce che lui al voleve… reazion a cjadene! A àn scomençât a tirâsi pai dincj come ch’a capite a voltis tes cubîs. Lui al jere propit ofindût e le tirave ae lungje e nô no sE avevin cemût fâ par bonâju, tant che je a un ciert pont dute rabiose i à encje dit: “Vergogniti, tu sês stât simpri ruspi,¬ no tu gambiis nencje s’al cole il mont!”
Par disfâ un pôc la cuestion, i ài spesseât a domandâ se si podeve lei il sfueiut che al jere tal pacut che i veve regalât la femine. Lui m’al à dât e cuant che lu ai finît di lei mi è vignude intor une grande ridarole, di no podê pì stratignîmi, saveso ce ch’al jere scrit parsore chel sfueiut?
“Tantissimi auguri per il tuo coE vempleanno, ti prego rimani sempre così!”
Cumò, coragjo, a dineâ che non sin colpe nô feminis, se i oms a voltis a son come ch’a son!
di Marisa Gregoris
#992
1 comment
Lasse une rispueste
Dutis lis contis
Il plui bon omp al fo stat Adam, a ubidî Eve intal ort de verdure pruibide, ben savint che al varès ruvinât dute cuante le umanitât a sucedi. E dopo no altris omenàts, cemût si fasie a dî che intal matrimoni si sta ben un mês e che al sarès mîor purcità, come che tant cjacare chel famôs provierb di scusse furlane. Tant par dî alc, continue a scrivi Marisa che al è biel leiti . Mandi Mandi Lussian.