In chê volte il furlan al ere ancjmò doprât avonde e si podeve doprâ la lenghe ancje par la musiche,…
Gruesse sorprese
Lis lûs celestinis sul sofit. La cuvierte stelade e puce di naftaline. Zuan al è li sot mieç platât e al sta dant dentri doprant la man drete. Cu la çampe al ten in man il tesaur che al à cjatât la dì prime: il biel gjornâl par colezioniscj jal à vendût par pôcs francs un vecjo marcjadant napoletan. Il siorut al veve il marcjepît par buteghe. E cussì cumò il nestri soldât, distirât in brande, al cjale il prin numar de riviste svedese PRESTIGE dal MARS 1969.
Recapit de cjase editore: TIP – PRODUKTION BOX 26018 MALMÖ 26 SCHWEDEN GL, TRYK KÖPENHAMN (stampât in Copenhagen)
“O podarès fâmi rivâ par pueste i altris numars de riviste” al pense Zuan. “Simpri che no sedi cambiade la sede in ducj chei agns o che l’editôr nol sedi falît. Il marcjadant al varà cjatât i gjornâi in cualchi cantine…”
Ce bielis fantatis che i cimiin des pagjinis: dutis cu la nature ben in viste, migo come lis fotos puritanis di PLAYBOY?
GUNVOR, GUNILLA, SYLVIA, EVA E MARIA a son li a sô disposizion. Al continue a fâ pratiche…
Si imagjine di guâ cu la biele more Eva: e samee a la biele cjantante dai SHOCKING BLUE (chei di VENUS) o magari a Elizabeth Taylor di zovine: ceonis e cuintâi di mascara.
E cjalant propit chê morone Zuan no si ten plui e al scugne…
“T’ho beccatho, Vanni!”
I à fevelât Tiziano il toscanat; chê sere li al è di planton noturni a la cjamarade. Al à interot il nestri Zuan sul plui biel.
Toscanat i cjape in man il gjornâl e al fâs: “Uuuuuu! KOM JAG SKALL VISA DIG MIN BLOMMAS INRE HEMLIGHETER, chel vuol dire?”
“Immagina, anzi no… sta scritto anche in inglese…”
“WOW… ma senti, che ne dici se una sera non ci facciamo una hosì? Andiamo in Via Toledo…”
La sere dopo i doi a van in libare jessude. Il toscanat, che le sa lungje, al compagne Zuan ai Cuartîrs Spagnûi. Intune androne a son diviersis feminis a spietâ i oms.
“Scegline una!” al fâs Tiziano. E Zuan al sielç une biele more cu la piel un fregul ulivastre, cjavei neris, pet scjars ma nie mâl in complès. E sarà scree: al è in grant arapamiento.
Une vecje blancje e grispose e da a la zovine la clâf de cjamare.
Al jentre cu la fantate intun basso, chês cjaponariis dulà che a vivin i napoletans.
Lui si distire tal jetut. Jê jal tire fûr e e scomence a fâi un pipul. Ma lui nol viôt la ore di cucâ la panarie e alore ce ti fasial? I tire vie lis mudantis e sot… al cjate… un…
di Pieri Moràs
#745
7 comments
Lasse une rispueste Cancele rispueste
This site uses Akismet to reduce spam. Learn how your comment data is processed.
Scrivinus a contecurte[at]gmail.com
Jentre te Liste di Contecurte
Ultins coments
In chê volte il furlan al ere ancjmò doprât avonde e si podeve doprâ la lenghe ancje par la musiche,…
In chê volte il furlan al ere ancjmò doprât avonde e si podeve doprâ la lenghe ancje par la musiche,…
A son passâts pe Ostarie
Adelmo Della Bianca Alessandro Valoppi Alessia Meacci Alessio Ecoretti Angelo Floramo Barbara Battel Bepi Zefon Carli Pup Cecilia Liva Checo Tam Christian Romanini cjadenedicontecurte Covidcurte Day Cristina degli Uomini Davide Peressoni Di Suald DoneBete Dree Venier Eduart Baschera Egle Taverna El Fari Eline Enrico Tomasi Eowin Fantacorsecurte Ferdinando Passone Francesca Giorgetti Franco Marchetta Franco Vigo Frank Spada Fuguline Fulvio Romanin Gaetan Cogôi Galliano di Buenos Aires Gianfranco Pellegrini Gianluca Franco Giuliana Pellegrini Guido Covàs Isa Dorigo Ivano Urli Jacum Tiburzi Jacum Trevisan Jaio Furlanâr Javier Moscufo L'Antescûr Laura Dri Laurin Zuan Nardin Lenart Gjavedon Leonore Lorele la Morete Luche Bagnarol Luciano Marinig Lupo Manarie Maghe Olstrele Marcello Marangone Marcelo Del Mestre Margarite Cogôi Maria Veronica Moscufo Mario Facile Marisa Gregoris Mariute Massim Furlan Massimilian Glîr Maurizio Di Fant Maurizio Mattiuzza Michele Vuardianut Calligaris Michêl Londar Milio dai cjans Nello Malisano Nene Furlane Noemi Salva Norma Romotowski O. Zete Pablo Gortan Passadôr Patrizia Torossi Pauli Fantini Pauli Jacuz Pieri Moràs Pierina Gallina Plume di Ingjustri Rafaêl Serafin Renzo Brollo Renzo Turùs Ricardo Gregoretti Ricart Tiburzi Rudy Citòs Sandri Carrozzo Scoltecurte Silva Ganzitti Spirt Anonim Stefano Gasti Stefano Lombardi Stiefin Asquini Stiefin Morat Stiefin Stefanut Stralunade Tiziana Novello Tommaso Pascolo Zorz Cesaratto






Cualchi àn fa, aromai, nus veve scrit cheste conte un tâl Pieri Moràs, che al veve contatât in forme cartacee il nestri Famei Checo, ma che nol veve volût disvelâ la so identitât. Lu vevi metût in bande cul cambi di sît e cumò al è tornât al atac. I vin fat imprometi che nus va ben che no nus disi cui che al è, ma che nol sparissi dopo une conte come chê altre volte. E sicome no vin mai vude censure, su la osterie, no vin fastidis neancje pai argoments. o tornìn a publicâ cheste conte, a mieze strade jenfri barzelete e conte romanticherotiche, che però Pieri al sigure al Checo che je capitade pardabon. Starìn a viodi lis prossimis!
Ce dan che à fat le siore Merlin,a butâ vie lis clâs di chel santuari……. Lussian
Brao Lussian! E je vere… e jere une biele scuele pai zovins e i mancul zovins e purtrop a cause de siore Merlin al le dut su la ostie… si varès di tornâ a vierzi lis cjais par fâ come in Olande…
CT
Ma alore, Pieri… si esal indurmidît? Su mo su mo
RDT
O speri che Pieri doman sot sere al vegni li di Pituel a Talmassons… a la cene pai 10 agns di Contecurte… e, se non erro, lui al jere tra i prins a scrivi o per lo meno tra i seconts…
Firmato: IL FAMEI
In realtât nol jere ni fra i prins ni fra i seconts, e jo o dubiti che al vegni parcè che al è un dai solits che si platin sot pseudonin e alore no vin podût visâlu e ancje se al ves viodût nol varès podût vignî. Cuant che o capissarai cheste manie di platâsi che e à la int al sarà simpri tart 😀
Mah? Un ucielut mi veve dit che davour di chel non al podeve jessi un scritor impuartant di chenti…
Se al fos cualchi indizi…
Firmât il vuestri bon FAMEI