Mê none mi contave che, une volte, di furlans studiâts no jerin tancj e i mestris a vignivin sù dal Meridion. Gno barbe Nello, in prime elementâr, al veve une mestre siciliane e al faturave une vore par capîle, tant che jê, par judâlu tai compits par cjase, e scugnive dispès disi di lâ a cjatale par fâsi tornâ a ripeti la lezion.
Une volte, però, al è capitât ancje l’incontrari. La mestre e je capitade in cjase di mê none, dute sburide, e i à dit: “Oggi non ho capito che cosa volesse dirmi Nello. Per tutta la mattinata, mi disse di continuo: “Maestra! …e Mussssuruana Maria ha mollato un petto”.
Gno barbe, di piçul, al jere un tic spion, ma al veve za imparât a meti cuatri essis dulà che e coventave une sole.
di Franco Vigo
#736
1 comments On La buine scuele
Franco le to conte mi à fat vignî in ment i miei timps di scuele. Le gno mestre e veve ordenât un frut a fâ il capo classe, e chest ca, se la veve su cun cualchidun ji rompeve une fialute di chês che pucin sot il banc denunciant il fat a la mestre, a so volte je mandave fûr il malcapitât a fâ une decine di zirs ator il curtîl.Lussian