Un pinsîr pai regâi di Nadâl

Velu ca “il telefonin ch’a nol fâs nuie”: in Americhe dal Nord a àn metût in vendite il telefonin ch’a nol fâs nuie, ma propri nuie. Nol telefone, nol navighe in internet, e nol fâs nancje fotografiis, e al servìs dome a cirî di disintosseâ chei ch’a no puedin fâ di mancul di doprâlu nancje tal bagn. Al coste dome 10 dolars, ma par i patîts dal “selfie” al è in vendite un model cul spieli tal daûr ch’al coste 15 dolars. S’a no mi crodiis, cjalait il link chi sot. Vêso cualchi malât di smartphone in famee? A nol è ni il mâl russin, ni l’afte epizootiche, ma al pues fâ une vore piês. E alore ce spietaiso, e je propri une ocasion di no pierdi sot Nadâl.

di Bepi Zefon

6 coments On Un pinsîr pai regâi di Nadâl

  • Cualchidun al à fat une cjançon su chiste malatie che al à clamât :Telefonite

  • Bepi se comprin un centenâr e ju vendin te ostarie, baste domandâ un euro in plui. Cun ducj i malâts che son pal mont e bevin par dibant par dut il an. Auguris a ducj i aventôrs di Contecurte. Ostîr e famei comprendût.

  • Disistu Nelo? Jo pensavi che te Ostarie a fossin ducj vacinâts cuintri la "telefonite" come ch'a la clame Jaio. Po ben se e je come ch'a tu disis a podaressin comprâ un stock cun lis licuidazions daspò il prin dal an e a sparagnaressin cualchi palanche… Bepi

  • Mi zovi de ocasion par bramâus un Bon Nadâl a ducj e che "diu a nus devi dal ben" par l'an ch'al ven, come ch'al diseve misar Lavore ben. Bepi

  • Bepi,e jo spietavi chel ca mi fasès le pastesute a misdi cence inpia il spolert tal mentri che soi a vore. Lussian

  • Nuie di fâ Lussian, s'a tu âs voie di disintosseâti a tu âs di contentâti di chest. Chest al è e chest al fâs, la pastesute e je tossiche. Mandi e Buinis Fiestis, Bepi

Lasse une rispueste:

La tô direzion di pueste eletroniche no sarà publicade.

This site uses Akismet to reduce spam. Learn how your comment data is processed.

Pît di Pagjine dal sît