Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Contis di famee a Udin
E e je rivade la ore de prime presentazion uficiâl di Contis di famee, il libri dal vuestri fidât Ostîr jessût pe Kappa vu il mês passât e che al à bielzâ vude une anticipazion inte rassegne Ce contino a San Zorz, ma che nol à vût inmò un batesim dut par lui.
Si che duncje, propit devant di Nadâl, pront par jessi ficjât sot l’arbul, ve chi,
ae librerie Ubik di Udin, vinars ai 4, tor 6 sot sere, une biele cjacarade cul autôr.
La fasarà la scritore udinese Alessandra Zenarola, che pûr jessint une letore e scritore di lenghe taliane, e je restade inmagade des contis e e à vût voie di meti adun chest event.
Nol pedeve mancjâ il nestri famei de Ostarie, Checo Tam, che al leiarà cualchi conte,
E jessint che o savês che l’Ostîr al invente simpri une, par ducj chei che a àn za let il libri, ve li,
dome in cheste ocasion si puedarà scoltâ une conte inedite, scrite pe ocasion,
dal titul che al è dut un program: “Ore di murî“.
Parsore la locandine par furlan, chi sot, chê par talian.
9 comments
Lasse une rispueste
Dutis lis contis
Gelo e jere ore, o cor subit a compralu, Bepi
Sperin che al vadi dut ben…Sperant che qualchidun al vegni a fà presentazion encje in Cjargne.Mandi! Mandi! Maria Angela De Campo
adiriture! 🙂
graciis!
Orpo, une presentazion a Lauc, no sai, ma l'an passât soi rivât fin a Tumieç… e chest istât a Darte… o viodarai di torna!
Intindevi almancul a Tumieç, no podin pratindi plui in sù. Bisugne savei scrivi e scrivi tant.Graciis! Almancul da l'ideee!!!!!!!!!MariaAngela De Campo
A mi ma l'à comprât me sûr a Sclaunic, mi somee. Ea zenâr ven su a leilu. Vere non ven dome par chest. Al è lei di lei ance chel altri: Soreli jevât a mont
Nelo,soreli jevat a mont al'è za che ti spiete.Lu ai finit di lei vue,al cjacare di events e grandis inpresis nasudis in friul, savorint le leture e cuinçant le conte cun istrionichis crodincis di fantasie oriental.Un biel mud di scrivi ca no stufe le leture, insiorantle a fa cognossi usances,custums,e personaçs dal nestri friul. Lussian
Lussian! Pardabon tu lu âs za let? Un onôr! E se ti è plasût inmò plui content.
E tu vâs a finîle dret inte rassegne stampe dal libri sul gno blog par talian 😀