Adiriture! Ben po, graciis! Ma da rest, cuntune cjante come La canzone di Tom, no podeve no vignî fûr che…
Conversions
Sauli al cjavalcave su la vie di Dimasq daspò vê sistemât la cuistion intun vilaç dulà che e stave cjapant pît une strane clape di int che no oreve savê di sacrificâ al Imperadôr. A crodevin intun sôl Diu, come i Ebreus, ma a sustignivin che chest Diu si fos manifestât in Tiere e al fos muart su la crôs cualchi an prime. Ancje Sauli al jere ebreu ma al jere ancje citadin roman e, ta chês regjons alì, jentradis di trê secui inte orbite elenistiche, si fevelave soredut grêc, e aramaic, lenghis che lui al saveve ben, oltri a cualchi rudiment latin.
A un ciert pont une grande lûs e comparì intal cîl e si sbassà a cualchi metri parsore di lui e dal so cjaval. La bestie, spaventantsi pal meracul, e butà jù intal polvar il so paron. Alore, dut macolât, Sauli al sintì une vôs che i disè par grêc: “Sauli, ce âstu di perseguitâmi? Lasse sta chei puars! Lasse che a vivedin in pâs! Tu sâs cui che a son!!!”
E jere une vôs imperiose, tremende e lui al tramà di pôre al sintîle. Al capì ce che e oreve disi… al jere il Signôr che i ordenave di lassâ in pâs i Cristians… anzi, te sô ment di bot e jere deventade madure la idee che lui, invezit di torturâ chei puars, di chel moment ju varès judâts. Intant la lûs e jere sparide dal dut. Diu di jere manifestât in dute la so potence! Al jere tornât tal so Ream celest!
Dentri de crononâf Axil e Jordin a stavin fasint il pont de situazion, fevelant tra lôr par globish: a stavin tornant tal an 2555. Axil al disè al so compagn: “Sino sigûrs che le vedi capide? No sai se il grêc che o ai doprât par spaurîlu al jere trop coret…”
“No sta vê pôre, Axil, al jere coret… magari la pronuncie e jere un tic foreste par lui ma… no jerie la vôs di Diu?”
di Checo Tam
#450
7 comments
Lasse une rispueste
Dutis lis contis
Checo, dome pe me ignorance, o varès gust di savê ce calendari ch'a doprin su le crononâf. Bepi
Buine domande… o ai tignût bon il calendari nestri, chel dal Daspò Crist… però lu ai fat par dâ une idee. Chei de crononâf a podaressin vê un altri calendari… esempli 250 agns dopo dal prin viaç intal timp… 300 agns dopo di une grande epidemie o di une vuere totâl… saio jo?
CT
Par gno cont, Sauli al doprave il calendari ebraic, là che su le crononâf a contavin bielzà cul nestri di cumò. Duncje Sauli al varà vût 30 agns e jessint nassût 10 agns daspò Crist si pues dî che jerin tal 3800 da creazion sù par jù al moment de conversion. Su le crononâf tal stes moment il calendari al segnave il 40 d.c. Checo, cuant ch'a tu mi mandis ta chel pais al è simpri tart cun cuasisei calendari. Bepi
cualsisei!!
In oltri Xrist al jere nassût tal 6 devant di Xrist, cuindi devant di se stes… un muini cualchi secul daspò al veve calcolât mâl la date di nassite dal Fi di Diu… e chest al incasine sù dut…
CT
Inalore al è miôr lassâ pierdi. Bepi
x me Sauli, citadin roman al doprave calendari roman