Che dire? Letta tre volte, e non basta mai. Bellissima conte, profonda drammatica risolutiva.Grazie per la canzone di Tom
Cemût si disial par furlan? Primula, croco, ciclamino
Primula
Ve chi, pene jentrade la stagjon de Vierte nus pâr just fâ un post in teme e cjacarâ di cualchi rose che magari, no simpri, la clamin cul non just, cuant che la viodin pai cjamps.Tachin cun chê chi in bande, che ducj a cognosseis di sigûr, jessint che al è un dai flôrs plui facii di cjatâ inte nestris bandis de basse plui umidis.
La Primula, sigûr, che ducj a clamin, cence falâ, primule. Ven a stâi, però, che la primule e à ancje un altri non, une vore plui lontan di chel talian, che al è PESTELAC.
Croco
Altre rose che e à di pôc bandonât i nestris prâts e je chê che par talian si clame croco, che no à di jessi sconfundude cun il bucaneve. Di sigûr nol è dificil, jessint che a son ducj i doi tor pai prâts cuant che il frêt al poche e no da râr e je ancjemò la nêf sui rivâi. Il croco, par furlan, al è il CIDIVOC, ancje se di altris bandis a lu clamin cisignoc, zafaran o zafran e lu viodês inte imagjine chi in bande.Il bucaneve, invezit, lui vin cjatât come Campanele di Unvier, o ancje, corezeinus se nol è just, Piluic.
Ciclamino
Sierin cuntune rose che la si cjate spes tai vâs ma nol è impussibil cjatale tal bosc, soredut ta chei umits. Il Ciclamino, che a podês lâ indenant a clamâ ciclamin, cence pôre, ma che al è une vore plui biel, forsit, clamâlu intune altre maniere: PANPURCIN.Sì, propit pan par purcits, jessint che – forsit – i purcits a devin jessi une vore saneôs di mangjâ i ciclamins, se ju cjatin framieç il muscli. Curiosissim, par altri, il fat che ancje par inglês la traduzion dal ciclamin e sedi une vore dongje a chê furlane: sowbread!
Dutis lis contis
Lasse une rispueste