O tornìn de polse di Pasche vierzint cuntune gnove che nus interesse di dongje.Doman, Vinars ai 29 di Avrîl, come che us vin dit cualchi post indaûr, l’Ostîr, compagnât dal Famei de Osterie, al sarà a Basilian, li de Tratorie “Cuochi per voi” in place dal Municipi.
I doi a leiaran un pocjis di Contis de nestre Ostarie e a ciraràn di sparniçâ il virus di Contecurte, magari stiçant cualchi spetadôr a deventâ un contecurtâr o, si no altri, a vignî in Ostarie, a cerçâ lis nestri contis.
La serade e je proviodude par lis 19.00 e Checo e Raffaele a ciraràn di fâ passâ la serade sielzint, in bande a cualchidune des lôr, Contis di ogni sorte, come che al dîs il titul de serade.
Cun di plui, in bande de cerce di contis, e sarà ufierte une cerce di vins e o sin propit curiôs di viodi cemût che, dopo jessi stâts tal vagon e tal cjistiel, Contecurte e frontarà un event in tal sô ambient naturâl: une Ostarie!
A sês ducj invidâts e benvignûts!
8 comments On Contis curtis di ogni sorte. Contecurte in Osterie
Buine sere, usgnot o soi stât a Basilian e li e jere tante int, dute interessade a sintî lis contis di Raffaele e di Checo, lôr propit bulos a lei une biele selezion. O ai vût cusì la pussibilitât di cognossi di persone chei doi spirtàs che tegnin adun lis contis. Un salût a ducj e a le prossime conte in ostarie! Mandi Maurizio Di Fant
Grazie a ti Maurizio
Al è stât biel rivâ a meti dongje une muse a un non e cognon di internet!
O ai gust che tu ti sedis divertût
e ancje nô si sin divertûts. 🙂
Sperìn ancje ducj chei altris 😀
Mandi!
Scusait, jo no jeri a la serade, ma issial un librut di podè stampà come chei da lis contis tal vagon?
Mandi
Antonella
Ce rabbie no podê jessi cun vualtris.Sarà pe prossime volte. Biele le idee dal librut. Mandi
cuissâ se a vût l'onor di jessi lete ancje une des mês contes?
@Si antonella,
lassimi un moment e il librut al sarà scjamabil propit come chei dal vagon
@Nello
eh eh
ti ai za bigulât propit îr di sere
o ai lete la conte de ostarie cul titul plui lunc di ducj, e ti disarai anche che mi pâr che e sedi plasude une vero. Maurizio magari, che al jere tal public, tal pues confermâ.
Sigûr Nelo, la to conte e a vût un sucesson e ti disarai che a mi mi e plasude une vore. Di fat, in chei agns che la conte a je ambientade la int no podeve maridâsi parcè al mancjave di fat il lavôr. No vuei sedi polemic, ma vuê a le dut cambiât, la zoventût no si maride parcè a non si sint di impegnâsi. Ma chest a le un me mût di viodi les robis!
O volevi ancje diti che a Feagne dopo mieç di al jere un biel incuintri culturâl une vore interessant e li o ai cjatât personis che e an sintût fevelâ di CONTECURTE e a chest proposit o ai fevelât propit di te. Mandi Nelo
P.s. A Basilian, mi sarès plasût contà une des mês, ma e sarà pe prossime, o speri!
Maurizio Di Fant
Gracie di cûr Maurizio pes bielis che tu contis.Jo, o soi di Feagne e che tu vedis fevelât di me, propit tal gno paîs, mi fâs onôr. Gracie!!!!!!!! Come che mi fâs onôr che sedi plasude, a Basilian, la me conte. A Jugn o ven su di chês bandis e o domandarài di te. Cuissà se za si cognossin? Jo soi tant ami di Mauro di Narda, un to paisan. O soi content che a Feagne si fasedin bielis iniziativis culturâls.Se ti plâs scrivi,al vignarà ancje il to moment.