[…] lezion di ART, dulà che il prof. N. S. nus spieghe e mostre une opare dal mestri Alfredo Pecile…
Vôs
Se a vessin savût ce che e faseve, a varessin dite che e jere une ossession macabre.
E veve tacât cu la radio: ondis lungjis, mediis, curtis… oris e oris a scoltâ. Scoltâ se a jerin vôs di chel altri mont.
Tra une stazion e chê altre, tra il vueit e il cisôr, ogni tant i veve parût di sintî cualchi sunsûr diviers, ma ae fin no, a jerin simpri di chest mont… al massim si sintive di cualchi disgraciât copât, tes comunicazions des patuliis de polizie o cualchi urgjence des ambulancis: ma a jerin simpri dome vîfs chei che a fevelavin…
Cu la television e veve provât juste par scrupul: cualchi ombre tal savalon dai canâi mâl sintonizâts, ma no jerin di chel altri mont, e po chel imprest alì, ce magjie podevial vê dentri?
E cirive vôs di chel altri mont. Alore telefonadis tal vueit, dopo di vê fat un numar di une sole cifre: e diseve alc jê, ma e restave simpri cence rispueste.
Ae fin al jere rivât internet, la pueste eletroniche: no saressin stadis vôs, ma se cualchidun di chel altri mont i ves rispuindût a un so messaç… invezite i rispuindevin, mo secjâts, mo masse fidançôs intun incuintri, dome che i vîfs…
E passave dut il dì cussì, in cjase. Une ossession macabre… o forsit e jere sole e stufe… stufe di infestâ chê cjase infestade dai vîfs.
E veve tacât cu la radio: ondis lungjis, mediis, curtis… oris e oris a scoltâ. Scoltâ se a jerin vôs di chel altri mont.
Tra une stazion e chê altre, tra il vueit e il cisôr, ogni tant i veve parût di sintî cualchi sunsûr diviers, ma ae fin no, a jerin simpri di chest mont… al massim si sintive di cualchi disgraciât copât, tes comunicazions des patuliis de polizie o cualchi urgjence des ambulancis: ma a jerin simpri dome vîfs chei che a fevelavin…
Cu la television e veve provât juste par scrupul: cualchi ombre tal savalon dai canâi mâl sintonizâts, ma no jerin di chel altri mont, e po chel imprest alì, ce magjie podevial vê dentri?
E cirive vôs di chel altri mont. Alore telefonadis tal vueit, dopo di vê fat un numar di une sole cifre: e diseve alc jê, ma e restave simpri cence rispueste.
Ae fin al jere rivât internet, la pueste eletroniche: no saressin stadis vôs, ma se cualchidun di chel altri mont i ves rispuindût a un so messaç… invezite i rispuindevin, mo secjâts, mo masse fidançôs intun incuintri, dome che i vîfs…
E passave dut il dì cussì, in cjase. Une ossession macabre… o forsit e jere sole e stufe… stufe di infestâ chê cjase infestade dai vîfs.
di Spirt Anonim
#145
#145
2 comments
Lasse une rispueste
Dutis lis contis
Confessi che di cuant che o vin tornade a vierzi la ostarie cheste e je une des contis che, secont il gno parê, e rive miôr a meti in struc il sens di scrive contis curtis
e je une idee di fonde, (no origjinâl, po sigûr, ma e je)
al è un stîl e soredut e je une maniere origjinâl di disvilupâ la storie.
Dopo… di sigûr, se nol jere bon un spirt, di scrivi une buine conte di spirts, cuissà cui che al varès vût di fâlu! 🙂
Grant ritorno di Spirt Anonim!