CorseCurteNovembar#08 – Albe Finâl

#08 – Albe Finâl

Jo o volevi nome vivi la storie. Capî se ogni timp al puartave alc di diviers e so. I miei voi a continuin slusicant salvadis, ma o ai fermât za di bataiâ par gjavâmi fûr lis cjadenis che mi tegnin presonîr in cheste cret.
l gno obietîf al jere stât vê il timp necessari par capî dutis lis variantis de vite e de umanitât. Scuvierzi ce che a lassin e ce che a gjavin vie i secui, che segrets a sparissin, cui che a jerin pardabon erois o demonis. Confermâ se al è vêr che il destin al esisti.
Come dutis lis creaturis che a cjapin come mission principâl la savietât, o dedicai par sorevivi  il minim timp, chel indispensabil e necessari. No ai mai vût un istint criminâl o ancjemò mancul sadic.
E cundut lis mês cognossincis di secui e miei rivuarts a mi àn cjatât intal gno ricet e condanât. Il vincjesim secul nol mi varâ jenfri lis sôs storiis.
O sint il cjantâ dai prins uciei di chest ultin cricâ che o pensavi di lassâ di bande par simpri. Forsit o varès vût di sielzi di jessi un altri paisan di chest borc rimit che  si conforme con mangjâ ducj i dîs, jevâsi al albe cun chest midiesimis cjant e mantignî la sô famee al sigûr, stagjon daûr stagjon, racuelt daûr racuelt.
Parcè che cumò, tal finâl, o scuvierç che nol baste dome comprâ timp. Lis domandis a traviers des epochis a continuin a jessi lis stessis e il futûr al larâ indevant simpri malsigûr, propit compagn al dì cuant che o ai cjapât la sielte che mi a puartât fin chi.
La claretât e aumente, za o pues diferenziâ ogni cime dai arbui de valade disot di cheste roche, e platâts daûr cualchidun dai contadins che a spietin a distance il finiment. I rais dal soreli si tirin dongje. Fra pôc mi cjaparan e nol restarà nuie.
Ni filosof, ni vampîr.
Nome cinise intal aiar.

di ***
#1***

1 comment