Amalia

Al é sucedût di bot che un nûl di polvar, in chel borc, al mandà fûr une imagjin familiâr: la biele fantate montade su la sô bici!
Cjavei luncs e bionts a svolampavin tal vint. La sô piel, blancje e soâf, e frontarés un grum di dificoltâts. Une biele bocje di ridi le slusorave. Cemût tante int a Cjastions? Jê e amave la libertât e e refudave il dominatôr; e jere plene di olse! …cussí ve che e puartave tal zei, dongje des verduris, lis munizions des sclopis! Daspó de Grande Vuere e rivà in Argjentine, cirint un miôr futûr. Lu ricevé, ma le veve vude dure! A Tablada, une piçule localitât dongje ae imense Buenos Aires, ancje alì lis viis impolvaradis a mandavin fûr chê biele imagjin de bionde te sô bici! De sô famee contadine e imparà la usance di tignî bot a dut, une solidarietât infinide cun chei plui disfortunâts e une laboriositât che e jere di preseâ.
E jere plen di morbin; e cjantave, e rideve, e protestave… La sô piel si fo indurint, ma disot e jere vive une ligrie che se cjapave dute! E e veve ancje un mâr di tenarece… jo le ai sintude!
Cuant che o jeri a pene maridade, un dí che o jeri tornade dal lavôr, e daspó di un grum di timp, o cjatai te cjamare une butilie mudade intun biel vâs cun dôs daliis dal sô zardin.
Biel cjalant chel regalut, tant che la aghe che e tocjave i stocs, cussí il so afiet al tocjave il gno cûr. Amalia, mê agne furlane.

di Norma Romotowski
#1144

1 comment